Dawn To Dawn: Julai 2010

Sabtu, Julai 31, 2010

Ro Ginhalinan It Mga Alibangbang

Ro Ginhalinan it mga Alibangbang
Gin-sueat it Oman ni Lolo Maeara
July 31, 2010

Kato anay, may sangka magueang nga baye nga naga-estar maeapit sa pangpang it Akean. Sa ana nga harden may mga manami imaw nga mga rosas, rosal, orkids, ag iba pa nga mga manami nga bueak. Raya nga lugar hay perming gina-agtunan it mag-asawang manugbaligya it isda agod magbaylo it bueak.

Kon gabii, perming makita ku mag-asawa ngara nga sobra kahayag ro harden ku rayang magueang. Ag permi pa nanda nga magit-an nga may dwende nga nagabulig sa gwapahon nga daeaga nga nagaatinder sa kabueakan.

Sangka adlaw, may daywang magnobyong pamatan-on nga nagbisita sa lugar it magueang. Masyado sanda ka bugaeon ag agig sanda sa mga butang nga owa’t sayod. Hakita nanda ro mga manami nga kabueakan ku magueang ag nagpupu sanda’t bueak. Gin-akigan sanda it magueang ag ginhambaean nga maghalin. Pero embes nga maghalin, ginsinunlog pa nanda imaw. nga maeaw-ay.

Sa kaakig, binakulo sanda ku magueang ag ginhambaean nga bangod gusto nanda ro mga manami nga mga pagkabutang, ginhimo sanda nga alibangbang.
Sa masunod nga makakita kamo it daywang manami nga mga alibangbang nga nagapaeapit sa bueak, panumdumon ninyo ratong daywang bastos nga pamatan-on.