Mga Diona Ni Tay Itsong
Bangud habok ra tiyan
Sa 'nang ginaobrahan
Naghabok man ra dughan
***May 7, 2024
Kuno mabahoe't ueo
Si Juan nga nakalbo
Bangud bato ra ueo
***May 7, 2024
Sige ro tueo't uean
Sa daean it kanyugan
Samtang ginahueasan
***May 7, 2024
Daeaga, baku-baku
Ro daean it kabuhi
Tueoka guid ring daean
***May 3, 2024
Saut guid mga dahon
Samtang owa gauean
Agod eumanig kita.
***May 3, 2024
Kon mahae mo guid ako
Dakpan mo ako' t puyo
Agod may suea ako
***Melchor F. Cichon
April 28, 2024
Sa kusina it aswang
Bawae magdaea't bawang
Agod di ka mabarang
***Melchor F. Cichon.
April 28, 2024
Ro Hapon nga matambok
Kon tueog gahueagok
Gakapatay ro namok.
***Melchor F. Cichon.
April 29, 2024
Igto sa may Tigayon
Nag-iniwik ro nayon
Ay ra tangkae puno't guyom
***Melchor F. Cichon.
April 29, 2024
May putot gainutot
Pagsaylo na sa Guicod
Ra buli nagkinipot
***Melchor F. Cichon.
April 29, 2024
Hapo't Biyernes Santo,
Napatay ro Ginuo
Si Hudas hay kumueo
***Melchor F. Cichon
April 29, 2024
Mga puti nga gae-um
saot dahon it mangga
pampaeamig it ueo
***Melchor F. Cichon
April 30, 2024
Tiada ulasan:
Catat Ulasan