Total Pageviews

Search This Blog

Monday, August 10, 2020

Her Smile

her smile
brings in sunshine
in a gloomy day
***Melcichon
August 11, 2013

Friday, August 07, 2020

Uean

Uean
Melchor F. Cichon
August 7, 2019

Owa't untat ro pag-inuean
Pagkatapos it tigsililak
Kon siin ginpahaba
Ro pagpuasa sa NAWASA.
Owa pa matapos ro sueaeob,
Nag-eusot eon man ro dengge.
Makaron may foot and mouth disease eon man.
Gindugangan pa gid sa pagkueob it tatlong pumpboat
Sa Guimaras Strait
Kon siin 31 ro nagpaeangit.

Si Bulilit nga si Fred

Si Bulilit nga si Fred
Anonymous
Gin-Inakeanon ni Melchor F. Cichon
August 6, 2020

Bag-o mag-agto si Fred sa anang eueogban,
Gapangadi gid anay imaw;
Ginaharuan gid anay nana ra Nanay ag ra Tatay,
Ag dumiritso sa anang higdaan.

Ro Eaki Sa Buean

Ro Eaki Sa Buean
*Anonymous
Gin-Inakeanon ni Melchor F. Cichon
August 6, 2020

Nagdungaw sa guwa't buean ro eaki sa buean,
Nagtueok sa guwa't buean ag naghambae,
Oras eo't mga unga sa kalibutan
Nga magtueog sa andang katre.

Friday, July 31, 2020

Luwa: Taban-Taban

Luwa: Taban-Taban

Inday, magpili ka eang,
Sa kasae o sa taban-taban;
Sa kasae, may euhod-euhod,
Sa taban, may guyod-guyod.

Mayad ro taban-taban,
Owa't libog sa ginikanan.
***Gin-Inakeanon ni Melchor F. Cichon
July 31, 2016

Thursday, July 30, 2020

Fashion Show Sa Kongreso

Fashion Show Sa Kongreso

Napanuod mo ba ang fashion show
Ng mga kongresista at mga asawa sa SONA?
Napanuod mo rin ba ang fashion show
Ng mga Ati, Badjao at mga taong grasa sa kalye?

Ah, kaya pala puno ng putik ang tuwid na daan
Dahil wala silang ginawa kundi maghanap
Ng bagong terno, bagong tabas ng barong tagalog.
At mag-irian sa tv at sa peryudiko.
Ah, mabuti pa'y taniman na lang ng palay
Ang mga lubak-lubak na isipan
Nang ating mga honorable na mga kaibigan
Para di na tayo mag-aangkat ng bigas sa Thailand

Sunday, July 26, 2020

Rang Maisot nga Silak it Adlaw
Owa Makilaea ro Nagsueat
Gin-Inakeanon ni
Melchor F. Cichon
July 26, 2020

“Ano gid baea ring gusto?”
Napueong beses ko ra ginapangutana sa sueod it sang adlaw.
“Siin ka ma-agto? Paano mo ra gin-obra?”
Raya ro mga tinaga nga permi ko nga ginamitlang.

Ag kon ginapiniino ko nga mapahuway ka eon,
Imaw man ring pagtinumbo-tumbo ag maglibot-libot;
Ginabue-an it sueod ro karton, gasangag,
Ginahaboy ring mga hampangan sa eugta.



Apang indi ko maislan maski sambilog eang nga butang,
Ginahigugma kita maski sin-o ka man.
Ikaw rang maisot nga silak it adlaw,
Ikaw rang pinakamahayag nga bituon.

Pobreng Gumang Bebe

Pobreng Gumang Bebe
Owa Makilaea ro Nagsueat
Gin-Inakeanon ni
Melchor F. Cichon
July 26, 2020

Kimo ro oras it pagpaligos hay masadya,
Samtang ginawagayway mo ring mga butkon ag ginasipa-sipa mo ring mga siki.
Kon iasik-asik mo ro buea sa hangin,
Ag maghigko sa paalibot.
Maski haeos matunod eon ro adlaw,
Buktaw ka man gihapon ag gusto pa gid maghinampang;
Puno’t kalukohan, sabyahan mo’t tubi ro palibot,
Ag eabniton ro hakita mong gumang bebe.
Bag-o ako maghambae nga, “Pundo eon! Husto eon don!”
Ro pobreng gumang bebe hay nahueog eon sa saeog!
Kimo ro oras it pagpaligos hay masadya,
Samtang ginawagaybay mo ring mga butkon ag ginaisipa-sipa ring mga siki.

Ro Silak ag ro mga Bituon


Ro Silak ag ro mga Bituon
Owa Makilaea ro Nagsueat
Gin-Inakeanon ni
Melchor F. Cichon
July 26, 2020
Ano gid ring nailaan sa tanan?
Paano ginapasiga ring galibutan?

Kon magsilak baea ro adlaw,
O kon mag-igpat-igpat ro mga bituon sa gabii?

Para kakon kon mabatian ko
Nga gabangon ka eon halin sa ing katre.

Kon kakon kon madumduman ko
Ro mga maintok nga ginhutik mo kakon.

Mga Mayad-ayad nga Butang

Mga Mayad-ayad nga Butang
Owa Makilaea ro Nagsueat
Gin-Inakeanon ni
Melchor F. Cichon
July 26, 2020

Pag-eaum ko nga ro kaanyag hay makita
Sa mahayag nga adlaw it pagsililak o sa matam-is nga huni’t pispis.
Ro pinakamaambong nga mga butang hay mga bueak  nga gatubo,
Apang  makaron hasayran ko nga bukon gid gali’t matuod.

Ro mga nagakahueog nga dahon, mga baeangaw sa eangit,
Hay iba eang sa mga butang nga hasta makaron nailaan ko.
Pero ro pinakamaambong sa tanan sa kalibutan
Hay ring pagsalig ag ring pag-unong kakon.