Mga Amigo, Mga Amiga

 

Mga Amigo, Mga Amiga

ni Melchor F. Cichon

April 30, 2020

 

Mga amigo, mga amiga

Dali kamo sa karsada.

Mahayag ro ugsad.

Mahampang kita't tinubigan.

Kon sin-o ro mapirde,

Maditso sa tunga.

Pareho kara:

Kon magbahoe ako,

Gusto ko mangin piloto

Nga owa't eroplano.

May hasob-eang ako nga daeaga

 May hasob-eang ako nga daeaga Abaw a, gapahueoy-hueoy gid ka mata Ugaling nasandad sa gausli nga bato. Ahay, nagbukoe ra ueo.

**Ni Tay Itsong

April 24, 2020

Mga Bag-o Ko nga Luwa

 Mga Bag-o Ko nga Luwa
Ni Tay Itsong
***On-going 

 

Igto sa amon
May tikong baboy.
Ginsueod imaw sa tikong tangkae.
Ro gabahug kana hay tikong tomboy.
***April 25, 2023

  

May hakilaea ako nga daeaga.

Kon tawgon imaw hay Marites.

Daywang kurso ra natapos:

Master in Maritesology ag Master in Marisolsology.

***April 25, 2023

Nag-agto ako sa suba

Agod magdakop it mga paka

Agod isumsuman ni Tatay

Sa tinangway nana nga tuba.

***April 25, 2023

 

Abril paeang Paskwa eon sa Kalibo.

Ro suga abi igto hay "patay-sindi."

***April 24, 2023

Kon ugsad, gamahae ro pasayan ag isda,

Pero gabarato kuno ro atay.

Ham-an baea?

Abu abi kunong silhig nga makitang gaeupad kon ugsad.

***April 24, 2023

Nag-agto ako sa opis,
Nagkaon ako igto it ibis.
Umabot ro sangka huwis.
Nagkanta it lawiswis. 
***April 24, 2023

Nagpaligos ako sa banyo.
May hakita ako nga bao.
Gintao ko kay Lolo.
Gintongtong nana sa ueo ko.
***April 24, 2023

Nonoy, magtueok ka sa waea,

Pero kon magtueok ka sa tuo,

Siguraduhon mo nga ona ako

Agod kon maghiyumhiyum ka kakon, mahiyumhiyum man ako kimo.

***April 23, 2023

All reactions:

1Nynn Arwena G. Tamayo

 Nonoy, hasayran ko nga outstanding ka
Imaw ron nga igto ka pirme sa guwa’t opisina
Gabantay it nagaaeaging mga daeaga
Samtang nagahueagog eon ring ueobrahon sa opisina.
***April 23, 2023

 

Tag buhi pa si Tatay ag si Nanay,
Owa gid ako kakita kandang nagaaway.
Kon gabukae ra dugo ni Tatay,
Ginapainum imaw it tubi nga halin sa banga ni Nanay.
***April 23, 2023

One, two bato.
Three, four bapor.
I love you before
Until the moon and the sun have lost their flavor.
***April 23, 2023
 

 

Kon hiagto ka sa banwa't Lezo
Pareho eang nga owa ka kabisita igto
Kon owa ka't pasalubong nga buti ag kueon
Nga produkto it banwa namon.
***April 22, 2023

Saea, daywa, tatlo

Hakwaton eon naton ro baeay ni Lolo Itsong

Ag isaylo sa may puno it butong

Agod indi eon ra paghapayo’t kapreng perming hilong.

***April 22, 2023

 

Kon ikaw papilion

Anong kolor it rosas ring pueoton?

Puea, puti, berde, asul o itum?

O basi gusto mo ro dueaw nga nagatao’t kahamungayaan?

***April 22, 2023

 

May sambulig ako nga sab-a

Nga ginregalo ko kay Maria.

Ginkinaon na hasta mag-aga-aga.

Ahay, sa ospital imaw dayon ginpurga.

***April 22, 2023

 

Sa ibabao it niyog

May tumogpang banog

Agod mag-inum it tuba sa saeod.

Ahay nahilong, nahueog.

***April 22, 2023

 

Igto sa Lezo,

Kun alas tres it Viernes Santo,

Ro mga unga gatumbo-tumbo

Agod magtaas kuno.

***April 22, 2023

 

Sa atop it among kamalig

May magkae nga galigid-ligid.

Kon owa ko madiparahi sa maeukong ko gid

Nga may tinueang manok tumogpa.

***April 22, 2023

Pag-agto ko sa Boracay
May nasub-eang ako nga daeagang Bukay.
Nagpangayo ako kana it tinapay,
Gintaw-an nana ako't mainit-init nga monay.
***April 21, 2023

May ginbitay ako nga monay
Sa kilid ku among baeay;
Pag-agi ni Lola Bilay,
Ginkuhit na ku anang eaway.
***April 21, 2023

May sangka eake nga haras-haras
Nga nag-eugad sa among baeas;
Mayad eang ay ro mga nag-aeagi
Hay mga meron nga may ikog it pagi.
***April 21, 2023

Ro mga bituon sa eangit,
May nagakilo-kilo, may nagakurapkurap;
Pareho man sa eugta
May nagadayaw, may nagaeaguta.
***April 21, 2023

Ro mga mata mo Inday hay daw ugsad nga buean.
Kun magtueok, may daea nga duyan;
Matueok sa waea, matueok sa tuo,
May pagtueok nga ginaduyog ako.
***April 21, 2023

Kon ako mangasawa
Pilion ko ro taga-Ibajay.
Bangod owa sanda kapanghayhay,
Pirming malipay ro sueod it pamimaeay.
***April 21, 2023

Kon ro jeepney driver hay a sweet lover
Ag ro pulis hay a never ending lover
Ag ro seaman hay your forever man,
Ano ro tawag sa piloto, a forever transferee man?

***April 21, 2023

Kon madumduman ko ro banwang Banga,
Madumduman ko man ro nagbastid kakon nga maambong nga daeaga.
Ay gali rang mga sueat kana ginabuesa ku naga-obra
Sa post office ku andang banwa.

***April 21, 2023

 

Para Kay Bing

 

Para Kay Bing

Ni Melchor F. Cichon

April 20, 2020

 

Kon ako eon lang nga isaea

Ag mahayag ro ugsad,

Ginapanumdom ko ikaw.

Ginapanumdom ko

Ro gabii nga daywa eang kita

Galingkod sa Tambak

Gatan-aw ku humbak

Nga gapaeapit katon.

Gapamati ku kanta it baeod

Nga amat-amat nga nagapalinong

Ku atong paminsaron.

Huo, ginapanumdom ko

Ro gabut-eak nga adlaw

Ag ro silak

Nga nagaharu katon

Sa adlaw-adlaw.

Ag bisan ro asaw-asaw sa buean it Mayo

Ag ro bagyo kon Agosto,

Ginapanumdom ko.

Ag ginapanumdom ko

Ro oras nga maski mauean

Ginabakean mo ako't akong bueong

Ag maski madueomdueom pa hay ikaw gabangon

Agod ako hay eahaan it baeon.

Ginapanumdom ko ron.

Ginapanumdom ko

Ro atong mga unga sa anda nga pagdaeagko

Hasta mag-abot si Sean Marie sa atong euyo.

Raya tanan kon hidumdoman ko

Nagakaeaduea rang kahidlaw,

Rang kamingaw.

Rang kalipayan nagalig-on.

Pero kon umabot ro oras

Nga indi eon ako makadumdom,

Panumdumon mo man ako.

alone

 alone--
softly, she touches the vacant bench
overlooking a silent pond
***Melchor F. Cichon
April 18, 2023

 

dumaan nga sapa

 

dumaan nga sapa--
mahinay eon ro kala-kala
it mga paka

***Maeara
April 18, 2011

Alone

 Alone

Alone
She floats
Facing the blue skies
On a silent seashore,
While her companions
In a beach resort's cottage
Keep on giggling.

***Tatay Itsong
April 8, 2023

Ikaw Gid Lang Rang Itanum

 ikaw gid lang rang itanum
sa ang tagipusuon
ugsad
***Melcichon
April 11, 2014

Alone

Alone
    Melchor F. Cichon
    April 8, 2023

 

 

Alone

She floats

Facing the blue skies

On a silent seashore,

While her companions

In a beach resort's cottage

Keep on giggling.

***Tatay Itsong

April 8, 2023

Mangutana Ka Pa Baea?

 

Mangutana Ka Pa Baea?

ni Melchor F. Cichon.

April 4, 2020

 

Mangutana ka pa baea

Kon ham-at madaeum ro atong taeagbasan?

Kon ham-at naeueonod kita sa utang?

Kon ham-at squatter kita sa atong banwa?

Ag pag-eumpat ni Corona sa atong banwa

Ro bugas nga nabaton ta,

Samtang ginaquarantine kita,

Hay sinako ag mahumot-humot pa!

Mangawa ka pa baea

Kon ham-at gapang-eapaw ro basura

Nga nagaeapta sa ginabaha natong karsada?

Kon ham-at ro mga puyo ag pantat owa eon sa suba ta?

Matanga ka pa baea

Sa bubungan mo nga ro daeaura makita?

Masandig ka pa baea sa inyong dingding nga gakawil-kawil

Ag basi kamong daywa hay eumagpak pa?

Bukon abi't mas mayad pa

Nga mag-ugyon ka

Sa mga handum nga diyosnanon

Ag may bueawanon nga aga-aga?