Total Pageviews

Search This Blog

Saturday, April 20, 2019

Isang Sulat


Poem, Dali Eon! Dali Eon Sa Lezo

Dali Eon! Dali Eon Sa Lezo.
ni Melchor F. Cichon.
November 27, 2018


Dali eon! Dali eon!
Maagto kita sa Lezo.
Banwa ra nga malinong,
Banwa ra it kalipayan,
Banwa ra it Bayangan Festival.
Iya masamitan ro ginahandum
Nga buti, puto ag bingka;
Ro matam-is nga bayawas ag lanzones
Ag ro ginakahidlawan nga dragon fruit.
Iya man ginahaboe ro tela nga pinya
Nga ginaobra nga barong, kimona ag saya.
Sa Lezo eang makit-an ro life-size bronze
Nga rebolto ni Dr. Jose Rizal
Nga maeapit sa dumaan nga simbahan it San Isidro de Labrador.
Dali eon! Dali eon sa banwa it Lezo,
Ro pinakamaisut nga banwa sa bilog it Aklan.
Pero iya natawo ro ibang bantog nga Akeanon.
Sa Lezo natawo ro Lolo it Akean.
Nga si Simeon Mobo Reyes.
Iya man natawo ro Tatay it Aklanon Literature.
Ag kon kaang, kueon, tadyaw
Ag kaeain-eain pa nga produkto
Nga halin sa daga ro hambaean,
Ro Lezo gid ro number one.
Busa ro Lezo ro ginatawag
Nga Pottery Capital it Aklan.

Friday, April 19, 2019

Haiku, Halin Sa Eanas

halin sa eanas--
ro gadukot nga amorsiko
sa ang saewae
***Melchor F. Cichon
April 19, 2019

Haiku, "I Thirst"

"I thirst"--
her palms on her face
as she sits alone on the corridor
***Melchor F. Cichon
April 19, 2019

Haiku, Gapaeanupsop Nga Silak


gapaeanupsop nga silak—
ro kahugot ku anang pagbuyot
kang butkon samtang gatabok kami sa highway
***Melchor F. Cichon
April 19, 2019

Haiku, Viernes Santo

Viernes Santo it hapon---
nagtumbo-tumbo si Ambeth
pag-abot it alas tres 
***Melchor F. Cichon
April 19, 2019


Holy Friday afternoon--
Ambeth keeps on jumping
when 3 o'clock strikes
Translated by Melcichon

Haiku, Via Krusis

Via krusis--
gahiyum-hiyum si Ambeth
sa libagon nga kanta
***Melchor F. Cichon
April 19, 2019

Thursday, April 11, 2019

Full Moon, haiku

full moon--
she walks gracefully
towards him
**Melchor F. Cichon
April 10, 2019