Total Pageviews

Search This Blog

Monday, October 24, 2016

Raya Rang Pasalig, Raya Rang Kabuhi

Raya Rang Pasalig, Raya Rang Kabuhi
Ni Melchor F. Cichon
October 24, 2016

Indi mo eon pagpangutan-on
Kon hasta siin rang paghigugma kimo;
Indi ka eon magdudaduda pa
Kon rang paghigugma kimo hay owa't utbong.
Basta rang hasayran,
Ag raya rang ginapanindugan,
Hay maski magtungang gabii pa permi
Rang kalibutan,
Bangod sa pagtunod kang adlaw,
Kabigon ko man gihapon
Nga pasueobaton rang adlaw,
Kon ikaw hay sa euyo nakon.


Raya rang pasalig,
Raya rang kabuhi, Parayaw.


***

Ito Ang Pangako Ko, Ito ang Buhay Ko
Salin ni Melchor F. Cichon
October 24, 2016

Huwag mo nang itanong
Kung hanggang saan ang pagmamahal ko sa ‘yo;
Huwag ka nang mag-alala pa
Kung ang pag-ibig ko sa ‘yo'y walang dulo.
Basta ang alam ko’y,
At ito ang pinaninindigan ko,
Na kahit laging hatinggabi pa
Ang mundo ko,
Dahil sa paglubog ng araw ko,
Ituturing ko pa ring madaling-araw ito.
Kapag ikaw ay sa tabi ko.
Ito ang aking pangako,
Ito ang buhay ko, Parayaw.

Friday, October 21, 2016

Aklanon Rhymes

Ro mga masunod nga mga binaeaybay hay gintipon, gin-edit ag gin-eubad ko para sa Akeanon nga mga unga. Owa kita kasayod kon sin-o gid kara ro nagsueat.


Igto Sa Amon 
October 21, 2016

Igto sa amon 
Sa Barangay San Ramon. 
May naghinugyaw, 
Ap-at ka mga pobre: 
Nagsaot ro paki, 
Nagkanta ro apa, 
Nagtan-aw ro buta, 
Nagpamati ro bungoe.
***
Ano Ron? 
October 21, 2016

Ano ron? 
Baboy nga taeunon. 
Ano ra? 
Kabayo nga apa.
***
Unga, Unga! 
October 21, 2016

Unga, unga! 
Katupong it eugta, 
Kapid it paka!
****
Pen Pen de Sarapen 
October 21, 2016 

Pen pen de sarapen 
De kutsilyo, de almasen. 
Haw, haw de karabaw 
Batutin. 
Sayang pula, tatlong pera; 
Sayang puti, tatlong salapi. 
Tikbang, buang, binuno it aswang 
Sa may basuran
Nga ginaeangawan.
***
Dyak En Poy

Dyak en poy 
Sa tanggae it baboy. 
Kon sin-o maperdi, 
Imaw ro ihaboy.
***
Pagbagting It Lingganay 
Melchor F. Cichon. 
Oct. 21, 2016 

Pagbagting it lingganay,
Gaguwa ro mga nanay; 
Pagtunog it saeod, 
Ro mga tatay gakaeahueog.
***
Saea, Daywa, Tatlo!
Melchor F. Cichon.
 Oct. 21, 2015 

Saea, daywa, tatlo! 
Ring tatay hay gwapo. 
Ap-at, lima, an-om, 
Ring nanay hay maambong.
Pito, waeo, siyam
Mga mabuot kita tanan.

Saturday, October 15, 2016

Gakilo-kilo Nga Buean

gakilo-kilo nga buean--
gahinay nga gahinay
ro agoniyas
***Melchor F. Cichon
Oct 15, 2016

flickering moon--
the fading sound
of the toll
***Translation by Melchor F. Cichon
Oct. 15, 2016

Wednesday, October 12, 2016

Sige Eang Maski

Sige Eang Maski Melchor F. Cichon Oct 12, 2016 Sige eang maski alas kwatro it hapon matunod ro adlaw, Basta magkaibahan eang kita sa anang pagsaeum. Sige eang maski ro buean hay indi eon magsipeat sa sidlangan, Basta kaibahan eang kita sa anang pagbuteak. Sige eang maski ro mga bituon hay indi eon mag-idlap-idlap sa kaeangitan, Basta ring mga mata hay gaidlap-idlap eang kakon halin sa pagsipeat it adlaw hasta sa masunod nanang pagsipeat. Sige eang maski indi eon magkanta ro mga pispis, Basta daywa eang kitang gakanta ku atong paboritong love song. Sige eang maski ro orkid hay indi eon magbueak, Total owa’t pag-untat ro imong pagbinueak. Sige eang maski ro tubi sa Akean hay indi eon mag-ilig, Total owa’t untat ro pag-ilig ku imong paghigugma kakon. Sige eang maski indi eon naton mabuytan ro atong paginhawa, Basta indi eang kita malipatan hasta sa katubtuban.

May Sales na Naman

May Sales na Naman Ni Melchor F. Cichon
Revised Sept. 16, 2022

 

May sales na naman Sa mall At siyempre May 20% discount Sa bawat item na nakadisplay. Kaya siksikan sa department store At sa kainan ng manok. Kaya maghihintay ka rin Ng 20 minutes Bago ka makakakain Ng inorder mo. Kaya hayon, Isang kilometro din Ang traffic sa harap ng mall. At sa pag-uwi mo, Habang bitbit ang binili mo Ay 20 minutes din ang paghihintay mo Bago ka makasakay ng jeep.
Kaya sasakay ka na lang ng taksi
At dahil mahigit isang kilometro Ang haba ng traffic, Mahigit 20% increase din Ang ibabayad mo sa taksi. Samantala, si Mang Juan, Na tauhan ng kalye, Ay nangangarap Na makabili ng pansit, Na panghapunan ng kanyang pamilya, Na may 20% discount din.

Monday, October 03, 2016

Bukon Man It Bulag si Juan



Bukon Man It Bulag si Juan
Ni Melcichon
Oct. 3, 2012
revised: Oct 3, 2016

Bukon man it bulag si Juan
Bukon man imaw it apa
Bukon man imaw it bungoe
Ugaling ginbusaean,
Ginbuta-butahan
Ag ginsuesugan ra dueongan.

Ahay, masueat eon lang kuno imaw
It binaeaybay hanungod
Sa adlaw nga ginatabunan it gaeum,
Hanungod sa suba nga daeag ro gasueog nga tubi,
Hanungod sa eawod nga may gaeutaw-eutaw nga balyena.
Hanungod sa mga eutayon nga karsada.

Indi gid kuno pwede magsueat
Hanungod sa mga nagakatunaw nga pundo it gobyerno,
Sa mga patayan sa kalye,
Sa mga death squad,
Bangod sa druga.
Ag kueang pa kuno ra.
Owa pa ngani kuno mapaea ro rekord ni Hitler
Sa pagpatay sa mga Hudeo.

Ahay...
Magpanihoe eon lang si Juan
Agod magbaskug ro huyop it hangin,
Agod ra bulador hay magtaas ra eupad.


Sunday, October 02, 2016

Sige Eang Maski

Sige Eang Maski
Melchor F. Cichon
Oct 1, 2016

Sige eang maski matunod ro adlaw sa alas 4:00 it hapon,
Basta magkaibahan kita sa pagtunod na.

Sige eang maski ro buean hay indi eon magsipeat sa sidlangan,
Basta kaibahan ko ikaw sa anang pagbuteak.

Sige eang maski ro mga bituon hay indi eon mag-idlap-idlap sa kaeangitan,
Basta ring mga mata hay gaidlap-idlap eang kakon halin sa pagsipeat it adlaw hasta sa masunod nga pagsipeat it adlaw.

Sige eang maski indi eon magkanta ro mga pispis,
Basta daywa kitang gakanta ku atong paboritong kanta.

Sige eang maski ro orkid hay indi eon magbueak,
Total owa’t pag-untat ro imong pagbinueak.

Sige eang maski ro tubi sa Akean hay indi eon mag-ilig,
Total owa’t untat ro pag-ilig ku imong paghigugma kakon.

Sige eang maski indi eon naton mabuytan ro atong paginhawa,
Basta indi eang kita malipatan hasta sa katubtuban.