Mga Binaeaybay Para sa Mga Tsikiting
ni Melchor F. Cichon
August 21, 2018
Kuring! Kuring!
Kuring! Kuring! Kuring!
Siin ka naghalin?
Sa Maeara, sa Maeara
Nagdakop it paka.
Hay, Ayam!
Hay, Ayam!
Hay, Kuring!
Ham-at permi eang kamo nga nagadugsing?
“Owa gid nana ako ginahueayi’t karne,” sabat Memeng.
Bag-ong Nanay
May Nanay nga naghalin sa andang baeay.
Ra an-um nga mga unga owa’t suea ag humay.
Pagbalik na sa andang baeay,
May bag-ong Nanay eon si Tatay.
Hatueogan
May sangka kuring
Gapatukar it biyolin.
Sa kaduyogon ka sunata,
Tanan nga eanggam hatueogan.
