Saeamat, Ginuo
ni Melchor F. Cichon.
January 28, 2020
Saeamat, Ginuo
Sa pagtao Mo kako't kahigayunan
Nga makaagi ag makapamati
Sa huni't mga pispis
Sa kabukiran, sa kaeanasan.
Saeamat, Ginuo
Sa kahigayunan nga makita ko
Ro pagbut-eak ag ro pagtunod it adlaw
Ag ro pag-ugsad ag pag-eati it buean
Maski kon amat hay ginatabunan ra't maitum nga gae-um.
Saeamat, Ginuo
Sa kahigayunan
Nga mabatyagan ko ro kaeamig it Amihan
Ag ro kainit it adlaw kon kwaresma
Ag ro pagkupkup ni Nanay ag ni Tatay
Ag kang mga unga.
Saeamat gid Ginuo
Ay ginpaagi Mo ako
Sa kalibutan ngara.
Nasamitan ko ro katam-is it dugos
Ag ro kaap-eud it apdo't pangabuhi.
***
Saeamat, Ginuo
ni Melchor F. Cichon.
January 27, 2020
Saeamat, Ginuo
Sa pagtao Mo kako't kahigayunan
Nga makaagi ag makapamati
Sa huni't mga pispis
Sa kabukiran, sa kaeanasan.
Saeamat, Ginuo
Sa kahigayunan nga makita ko
Ro pagbut-eak ag pagtunod it adlaw
Ag ro pag-eati ag ro pag-ugsad it buean
Maski kon amat hay ginatabunan ra't maitum nga gae-um.
Saeamat, Ginuo
Sa kahigayunan
Nga mabatyagan ko ro kaeamig it Amihan
Ag ro kainit it kwaresma
Ag ro pagkupkup ni Nanay ag ni Tatay
Ag kang mga unga.
Saeamat gid Ginuo
Ay ginpaagi Mo ako
Sa kalibutan ngara
Agod mabatyagan ko ro katam-is it dugos
Ag ro kaap-eod it apdo't pangabuhi.
No comments:
Post a Comment