May Sangka Magueang nga Baye nga Nagtueon it Eangaw
Unknown Author
Gin-Inakeanon
ni Melchor F. Cichon
June 11, 2022
May sangka magueang nga baye nga nagtueon it eangaw.
Owa ako kasayod kon ham-at nagtueon imaw it eangaw,
Basi mamatay imaw.
May sangka magueang nga baye nga nagtueon it eamang
Nga nagahinueag ag nagahinalik-ik sa sueod.
Gintueon nana ro eamang agod dakpon ro eangaw,
Pero owa ako kasayod kon ham-at gintueon nana ro eangaw,
Basi mamatay imaw.
May sangka magueang nga baye nga nagtueon it pispis!
Abaw ka bueo-bueo nga magtueon imaw it pispis!
Gintueon nana ro pispis agod dakpon ro eamang.
Gintueon nana ro eamang agod dakpon ro eangaw.
Tao kon ham-at gintueon nana ro eangaw,
Basi mamatay imaw.
May sangka magueang nga baye nga nagtueon it kuring.
Tan-awa baea nga nagtueon imaw it kuring.
Gintueon nana ro kuring agod dakpon ro pispis.
Gintueon nana ro pispis agod dakpon ro eamang.
Gintueon nana ro eamang agod dakpon ro eangaw.
Pero owa kasayod kon ham-at gintueon nana ro eangaw,
Basi mamatay imaw.
May sangka magueang nga baye nga nagtueon it ayam.
Anong baboya nga magtueon it ayam?
Gintueon nana ro ayam agod dakpon ro kuring.
Gintueon nana ro kuring agod dakpon ro pispis.
Gintueon nana ro pispis agod dakpon ro eamang.
Gintueon nana ro eamang agod dakpon ro eangaw.
Pero owa ako kasayod kon ham-at gintueon nana ro eangaw,
Basi mamatay imaw.
May sangka magueang nga baye nga nagtueon it baka.
Owa ako kasayod kon paano nana gintueon ro baka.
Gintueon nana ro baka agod dakpon ro ayam.
Gintueon nana ro ayam agod dakpon ro kuring.
Gintueon nana ro kuring agod dakpon ro pispis.
Gintueon nana ro pispis agod dakpon to eamang.
Gintueon nana ro eamang agod dakpon ro eangaw.
Pero owa ako kasayod kon ham-at gintueon nana ro eangaw,
Basi mamatay imaw.
May sangka magueang nga baye nga nagtueon it kabayo,
Ag syempre namatay imaw.
No comments:
Post a Comment