Ag Kumanta si Ana Maria
Ni Melcichon
August 13, 2011
Indi imaw
kantigo magkanta
Maski hilong. Kapin
pa gid kon bukon. Pero
sangka agahon sa sueod it
third degree room it pulisiya
Kumanta imaw. Ugaling nagwangal
Ro mga imbestigador. Sintunado kuno
Ra tuno. Ginsueok-sueokan imaw.
Ginhimo pa gid nga ash tray
Ro ana nga bukead nga
paead. Tag owa eon
imaw kaagwanta
Ku pagkinulata
kana kumanta
imaw ag ro
mga pulis
Nagsaot
Nag
liksi-liksi sa kasadya.
Ala Nora Aunor
man kuno kon imaw mankanta.
Subscribe to:
Post Comments (Atom)
No comments:
Post a Comment