Ipasona Mo Sa Amon, Ina?

Ipasona Mo Sa Amon, Ina?

ni Maeara

July 22, 2013

SONA bala namon ni?

Ining mga tawong grasa?

Ining mga kabataang gainukay

Sang mga basurahan

Para lang makapanyaga?

SONA bala namon ni?

Ining mga holdupper

Mga kidnapper

Mga snatchers

Mga motorcycle tandem
Nga nagapaniro,
Nga nagapambomba
Sang mga inosenti?

Kon magbaha, kag ang mga pamalay

Maglutaw-lutaw sa dagat

SONAhon man gihapon namon ina?
Samtang ang mga illegal loggers todo kadlaw sa mga beer houses?

Ti, paano atong mga kawatan sang kaban ni Juan,

Ipasona man gihapon sa amon ina?

Maayo guro kambyuhan naton ang aton nga motto:
Todo asenso...sang bulsa sg mga pulitiko
Ti, paano ang mga Instik kag Indonesians

Nga nagapangisda sa aton nga kadagatan,

Kag atong barkong panggira sang Estados Unidos
Nga nagguba sang aton nga pagang,

Ipasona man gihapon sa amon ina?

Ay abaw, pati gali atong mga tawong

Nagpeke sa mga pirma sang mga mangunguma
Agod makuha ang minilyong pundong pang agrikultura,

Ipasona man gihapon sa amon ina?

Ti, kamo sa palasyo?

Ano nalang ang  obrahon ninyo?

Magsakay-sakay sa eroplano

Kag magfashion show

Samtang si Juan gadaguob iya tiyan?

Samtang ganipis ang iya dulonggan?

Samtang waay untat ang pagsaka sg gasolina
Sang mga balaklon sa tindahan.
Basi bala ilinya ka man nila

Sa dalan ni Erap kag ni Gloria.

Ay, abaw maluoy ka man!