Sa Pag-uli Mo, Madam

by Melchor Cichon on Thursday, July 26, 2012 at 8:54pm ·

Pag-uli mo, Madam,
Halin sa prisohan,
Gawagayway ring mga suporter

Samtang gasakay ka sa imong limousine
Sa kuno tiku-tiku nga daean
Samtang ako
Nagapasakit kang ulcer.

Alinon abi ay gabot rang bulsa
Ag owa't bakanti ro probinsiyal ospital
Ay puno't pasiyenti nga may ubo ag dengge.

Ah, hadumduman ko
Ro mga dungganong buaya
Sa tongreso
Sa andang air-conditioned nga kwarto
Igto sanda gaplano,
Gapalitik ku andang ueo
Kon pila ro andang mabuesa
Sa mga masunod nanda nga prohekto.
Tao ngani kon siin nanda ginagasto
Ro minilyon nanda nga pundo
Bilang representanti ku andang mga distrito.
A, basi ginpatindog it mansiyon
Sa andang kadedang nga pangaywa ag pangatlo.

Sa imo nga pag-uli, Madam,
Kabay pa nga imo madumduman
Ro mga pumoeuyo nga ginpasalig mo
Nga may isda ag humay ro kada tawo
Kunta makita mo man ro mga gaeutaw-eutaw nga mga pamaeay
Pag-abot it tinguean ag bagyo.
Kunta makatibawas man ako sa kaimueon
Agod sa pag-uli ko
Rang pamilya hay maghiyum-hiyum man
Kon andang makit-an nga busog man rang buesa.
Ugaling mas mayad pa nga sa World Bank ipahueam
Ro kwarta ni Mang Juan
Ku sa ipatindog it ospital ag eskuylahan.
O ipatadlong ro mga batsihon nga daean.

O, Madam pwede baea
Nga maghaksanay eon kamo ku tatay ni Mang Juan
Agod ro rally sa Edsa
Ag ro mga basura sa Roxas Boulevard
Indi eon madugangan?

Beyond Horizon

Dark Skies

The Coolness of Her Eyes

The Waves

the waves
laugh
when he carries you to the shore

Melcichon
July 27, 2012

Sa Baeay Nga Botong

Sa baeay nga botong
Nagsaka ro hilong
Nag-inum it Siu Hoc Tong
Owa eon kabangon.

Maeara
July 22, 2012

August Setting Moon

August setting moon
his tears fall
on his coffee

Melcichon
July18, 2012

Catwalk

Library--
he catwalks
on his 5-inch high heeled shoes

Melcichon
July 21, 2012

Whenever You Come Near Me

whenever you come near me
I become a moon
on a daybreak

Melcichon
July 19, 2012

Sandra

Candace Dillera

Ann G. Cahilig

The Coolness of Her Eyes

Your Whisper

your whisper
fills up
my empty morning cup

Melcichon
July 15, 2012

Ann G. Cahilig

Sunflower

Sunflower--
mabatian ko ring tulalay
sa paghabyug king sipad

Melchor F. Cichon
July 14, 2012

Alma Anonas-Carpio

Mariah Reden Montano

Ann G. Cahilig

Grey Evening

grey evening--
now, Dolphy makes me
cry

Melcichon
10:34 p.m., July 10, 2012

Ro Pagpursigi Ro Yabe Sa Kadaeag-an

Melcichon
July 10, 2012

Sangka agahon it Dominggo.
Nagalingkod ako sa may bintana namon. Hakita ko ro maya nga naga-eupad nga may ginaangkit nga eayang dahon it halimunon.
Pagkatapos it napueong minuto hay nag-eupad eon man ro maya halin sa gina-obra nga pugad.
Ag pilang minuto hay nagbalik eon man ratong maya ag may daea eon man nga eayang dahon it halimunon.
Hambae ko, ro pagpursigi ro yabe sa kadaeag-an.

Readers Count

21,167 as of August 19, 2012
20,878 as of Aug. 7, 2012
20,166 as of July 10, 2012

19,760 as of June 28, 2012
19,297 as of June 12, 2012
18,916 as of June 6, 2012
18,793 as of June 4, 2012
18,572 as of May 31, 2012
18,117 as of May 24, 2012
17,903 as of May 14, 2012
17,721 as of May 6, 2012
17,528 as of April 30, 2012
17,439 as of April 27, 2012
17,090 as of April 17, 2012
16,975 as of April 14, 2012
16,671 as of April 6, 2012
16,624 as of April 3, 2012
16,508 as of March 29, 2012
16,384 as of March 26, 2012
16,245 readers as of March 22, 2012

Kon May Tinanum Ka, May Anihon Ka?

Ni Tay Itsong
July 8, 2012

Masyado ka alwan si Nanay Ana sa anang mga gumangkon.

Sunod-sunod nana nga ginpatuon sanda. Ag tanan sanda hay nakatapos sa andang pagtuon. Si Tomasa hay naging maestra. Si Juan hay naging accountant. Si Marie hay naging nars. Ag si Johnny hay nakatapos it computer science.

Nag-eaom si Nanay Ana nga kon magmasakit imaw hay may mabulig kana sa pagbakae it mga kinahangeanon nana nga bueong.

Pero sambilog gid lang ro nagbulig kana. Si Tomasa.

Pagmayad na hay hadumduman nana ro ginhambae kana ni Lola Juana nga “Indi ka magsalig nga kon may tinanum ka, may anihon ka.”

Ro Seryusong Relasyon Naga-umpisa sa Sunlog

Ni Melcichon
July 9, 2012

Si April ag si Agusto hay klasmeyt sa kolehiyo.
Si April hay paea-ala, samtang si Agusto hay mahipuson nga tawo. Pareho sanda nga sa Dean's List.
Sang adlaw nagtipon-tipon ro magbarkada nga gapamahaw sa kanten ku andang eskuylahan. Bangod magkaeapit ro lingkuran ni April ag ni Agusto, naghambae si Lenie, nga anda man nga kabarkada, nga: "Aba, bagay gali si April ag si Agusto".
"Ah sus", hambae ni April.
Naghipos eang si Agusto.
Bangod busy eon sandang magbarkada sa andang pagtuon, owa eon sanda nag-imaw it oman sa sueod it sangka semester.
Pag-abot it Second Semester, hakita ni Lenie nga gina-agbayan eon ni Agusto si April.
Naghambae dayon si Lenie sa anang eawas nga: "Ro seryusong relasyon naga-umpisa sa sunlog.--Maeara