O, Sanlibutan

 O, Sanlibutan

Ni Melchor F. Cichon

February 22, 2016

Ilang siglo na ba ang nakaraan

Nang ipako si Ginoong Hesus sa krus?

Ilang siglo na rin ba ang nakaraan

Nang  mangako ang sanlibutan
Na ituwid ang kanyang daan?

Oo nga’t dumami na

Ang mga relihiyon sa buong mundo

At halos sa bawat barangay

Ay may simbahan na rin,

Nguni’t dumobli naman

Ang mga magnanakaw,

Ang mga mandaragit,

Ang mga magdarambong,

Ang mga mamamatay-tao,

Ang mga nagsasamantala sa kapwa.

Ang mga Eva at mga Magdalena ba’y
Nabawasan na sa mga bahay-aliwan?

Dumami pa yata

Ang nagsasamang mga Adan

Sa kapwa Adan?

Nadawit tuloy si Manny Pacquiao

Sa usaping pangmamahalan.

O sanlibutan, kailan ba natin

Bubunutin ang mga pako

Sa mga kamay at paa ni Ginoong Hesus?