Total Pageviews

Search This Blog

Tuesday, February 23, 2016

O, Sanlibutan



O, Sanlibutan
Ni Melchor F. Cichon
February 23, 2016


Ilang siglo na ba ang nakaraan
Nang ipako si Ginoong Hesus sa krus?
Ilang siglo na rin ba ang nakaraan
Nang  mangako ang sanlibutan
Na ituwid ang kanyang daan?
At dito sa ating bayan,
Naglipana na rin ang mga simbahan,
Nguni’t dumobli naman
Ang mga magnanakaw,
Ang mga snatser,
Ang mga holdaper,
Ang mga patayan,
Sa kabayanan man
O sa kabundukan.
Ang mga Eva at mga Magdalena ba’y
Nabawasan na sa mga bahay-aliwan?
Dumami pa yata
Ang nagsasamang mga Adan
Sa kapwa Adan?
Nadawit tuloy si Manny Pacquiao
Sa usaping pangmamahalan.
O sanlibutan, kailan ba natin bubunutin
Ang mga pako
Sa mga kamay at paa ni Ginoong Hesus?

No comments: