Salamat

Salamat
Ni Melchor F. Cichon
July 10, 2016

 Mabuti na lang at narito
Si Rio Alma,
Kumapal ang diksiyonaryong Filipino;
Mabuti na lang at narito
Si Dr. Leoncio P. Deriada,
Pinag-uusapan na ang literatura
Ng Western Visayas
Sa mga kolehiyo at mga unibersidad.
Mabuti na lang at narito
Si Noel G. De Leon,
Bumibilis ang pag-unlad
Ng mga panulatang literatura
Sa Western Visayas.

Kung hindi sila dumaan rito,
Hindi lang nabansot ang mga wikang katutubo,
Kundi nabansot din ang katutubong literatura
ng Western Visayas.