Ikaw Man Gihapon Rang Ginahandum

Ikaw Man Gihapon Rang Ginahandum
Melchor F. Cichon
November 20, 2016

Hambae ko,
Panason ko eon
Sa piniino ko
Ratong sikaeum sa Pastrana Park
Kon siin mo ginbalik kakon
Ro atong engagement ring.
Ugaling kon makita ko ro pagtunod
It adlaw ag ro pagsipeat it buean
Madumduman ko man gihapon
Ratong pagsikaeum
Sa Luneta ag sa baybay it Boracay
Kon siin naton ginbaeay
Ro atong matimgas nga paghigugma
Hambae ko,
Makakita man ako gihapon
It ikabueos sa paghigugma mo
Ugaling hasta eang ra sa handum.
Bangod ikaw man gihapon
Rang ginahandum.
Ikaw man gihapon
Rang ginahandum
Nga palanggaon
Hasta matunod rang adlaw.