Ikaw Pa Rin Ang Minimithi Ko

Ikaw Pa Rin Ang Minimithi Ko
Ni Melchor F. Cichon

Sabi ko
Buburahin ko na yaong mahapdi kong kahapon,
Subalit kapag nakikita ko ang paglubog ng araw
At ang pagsilang ng buwan,
Maalala ko pa rin
Yaong takipsilim
Sa baybayin ng Luneta at sa Boracay
Kung saan natin hinabi
Ang ating maparaisong pag-ibig.
Sabi ko
Makakatagpo pa rin ako
Ng kahalili ng pagmamahal mo,
Kaya lang hanggang pangarap lang naman ito,
Dahil ikaw pa rin
Ang minimithi ko,
Dahil ikaw pa rin
Ang pinapangarap ko
Hanggang lumubog
Ang araw ko.