Kon Ham-at Kinahangean Nga Magsueat it Binaeaybay sa Paghigugma

Kon Ham-at Kinahangean Nga Magsueat it Binaeaybay sa Paghigugma
Ni Luis Batchoy
Gin-Inakeanon ni Melchor F. Cichon
Jan 27, 2012

Samtang ro drama
It mga Senador ginabukead sa TV
Ano ro lugar it gugma
Sa tunga it mga “Objection your honor”
Ag sa kuno ginkaw-it nga Milyones?
Katapusan eon it kalibutan
Suno sa kalendaryo
It mga kinato nga mga Mayan
Owa eon it nabaehag nga petsang
Masunod sa katapusang numero.
Gusto eon gid sigurong patyon it kalibutan
Ro diputa nga gugma ngaron
Indi man makaon
Indi man makawartahan
Ag sangka mabahoe nga katuntuhan.
Ginabulag kita ku rayang kamatuoran
Nga ro kalibutan hay mabahoe
Nga matansahan it mga kasapatan
Mahigko, magamo ag masangag
Makasiligni, mabaho ag maduguon.
Raya ro rason kon ham-at gasueat it binalaybay hanungod sa paghigugma
Ro mga kapareho ko nga manugbinaeaybay
Nga mga kaumangon ag may sakit nga pagkaromantiko
Kaibahan eon kami nga magkaeamatay
Sa diputa ngaron nga gugma.