Total Pageviews

Search This Blog

Thursday, August 31, 2017

Ro Handum ni Juan Posong

Ro Handum ni Juan Posong
Handum gid ni Juan Posong nga makasuksok it bag-ong sapatos nga Nike. Ra ginagamit abi nga sapatos hay sangdag-on eon ag may buho eon ngani ra swelas.
Naghueam it kwartang pangpamasahi si Juan sa anang amigo nga si Ambeth agod makaagto imaw sa mall sa banwa agod makapili imaw it sapatos nga nagustuhan na.
Pagsueod nana sa mall hay dumisitso eagi imaw sa lugar kon siin ginadisplay ro mga sapatos. Gin-agtunan nana ro lugar kon siin ro mga kaeain-eain nga style it Nike ginadisplay. Ginpaeapitan imaw it sangka sales lady.
“Sir,” hambae na kay Juan, “rayang itum ring gusto?”
“Huo, ruyong itum,” sabat ni Juan.
Ginbuoe ku sales lady ro sapatos, ag gintao kay Juan. Ginsuksok na ro tuo nga kapares. Igo-igo gid kana.
“Pwede ko masuksok ro isaea pa agod masayran ko kon indi masakit kon ako magtiklang ag kon bagay kakon?” pangabay ni Juan sa sales lady.
“O.K.,” ag gintao ku sales lady ro sapatos.
Tagnasuks0k eon ni Juan ro sapatos hay imaw man ro pag-agi ni Ambeth. Hinaboy ni Ambeth si Juan it mansanas. Owa imaw maigo apang nadaplisan ro sales lady.
“Lintik! Sin-ong kaumangon ratong naghaboy it mansanas man?”
Mangan-angan hinaboy eon man it mansanas si Juan.
Nangakig si Juan ag linagas na si Ambeth.
Uwa eon magbalik si Juan sa mall.

No comments: