Sin-o Kita?

Sin-o Kita?
Ni
Melchor F. Cichon

Hueat…
Maabot gid kuno ro atong oras
Nga makasueod kita sa mga malls,
Makatindog sa emtablado ag magdiskurso
Ag makasakay man sa barko ag sa eroplano.
Maabot gid kuno ro atong oras
Nga kon mag-abot ro Presidente it Pilipinas
Indi eon kita pagtipunon sa Guimaras--
Mayad pa ngani kuno ro uhay
Ay kon maeunot, abono ra it paeay.

Mag-hueat eang anay kuno kita
Ay sa ulihi may patindugon nga eskuylahan
Sa atong barangay.
Owa gid abi kuno kita’t nahibadwan
Maski magsueat eang ku atong ngaean.
Mag-inunga eang kuno ro atong hasayran
Ag indi man naton sanda masarangan
Mapakaon, mapaiskuyla, mabistihan.
Dugang eang kuno kita sa pagdagaya’t tawo sa kalibutan.
Kon patindugan abi kuno kita’t ilistaran
Aton man eagi kuno ra nga ginaaywan.
Owa gid sanda kaeubot
Nga buko’t baeay eang ro atong ginakinahangean.
Paris kanda gusto man naton nga may obra, may pangabuhian
Agod indi eon kita mag-agwanta
Sa init ag sa uean.
Indi eon kita mag-agwanta
Nga owa’t ilabas, owa’t ihapon,
Agod indi eon kita
Mag-agwanta sa mga tueok nga mataeum
It kapwa Pinoy nga mga kadugo man lang naton.
Indi eon kita makit-an nga gabitbit ku atong eabsag
Ag magpakalimos sa mga simbahan, sa mga daean.
Ag kon mag-abot ro gabii
Indi eon kita mag-eugad sa mga tapu-tapuhong waiting shed--
Total imyon eon man kita sa pneumonia, sa dengue.
Paghueat eang baea
Ro masarangan ku atong gobyerno?
Pero kon eleksiyon
Ginabagtas gid it mga kandidato
Ro mga madanlog nga kaeanasan;
Ginaubog ro mga suba nga eutayon
Makalamano eang katon
Agod aton sanda nga botohon.
Pagkatapos it eleksiyon,
Sin-o kita?
Eutay, bato, ag mga boho sa highway.
Mga sueonugong eaay nga halimunon sa lagwerta.
Ano ro atong ipanubli
Sa atong mga inapo?
Paghueat eang ag pag-agwanta?
----
January 1, 2004

Sunset--finally his eyes close

sunset -
finally his eyes close
and his palms open
**Melchor F. Cichon
June 24, 2018

Indi Ako Kantigo

Indi Ako Kantigo
**ni Maeara
June 23, 2018

Indi ako kantigo mag-eangoy,
Indi ako kantigo magbaeay it baeay;
Pero hasayran ko kon ro tawo gapunga-punga eon
Ag kon tiko ro hagdan.

Owa pa ako't asawa,
Owa pa ako't ginalibang nga unga,
Pero hasayran ko kon paalin maglibang
Agod makabulig imaw nga kita tanan may humay ag suea sa atong lamesa.

Flash Fictions, June 2018

One Foot

Nag-agto si Annie sa Australia agod makipagkita sa anang nobyo nga Australiano.

Pagkasunod nga adlaw matapos magkita sanda ka anang nobyo, gintawgan ni Annie ra nanay.

“Mother,” hambae na, “James has one foot only!”

“You’re lucky, my child,” hambae ka anang nanay, “your father has six inches only.”

Sermon

Pagkatapos it misa, ginpaeapitan ni Gerlie si Padre Santos.

“Padre,” hambae ni Gerlie, “Nanamian gid ako sa sermon mo kaina.”

“Gali,” sabat ni Padre Santos, “Pero ano gid ring nailaan sa sermon ko?”

“Bangod sa sueod it sang dag-on, rato gid ro pinakamatag-od mo nga sermon!”, sabat ni Gerlie.

Juan Hungit

Primerong adlaw ni Juan Hungit sa Kinder.

Hataeupangdan ni Teacher Pilma nga owa  magkaron si Juan.

“Juan,” hambae ni Teacher Pilma, “ham-at owa ka magkaon king baeon?”

“Owa’t gahungit kakon.”

“Sige”, hambae ni Teacher Pilma. “Total indi ka magtimo, lagarion eon lang ring alima.”

“Indi! Makaon eon ako!”

Juan Pusong

Sa Ukay-Ukay, nakita ni Juan Pusong ra handum nga Nike.

Pagkasukat na, gulping suminggit si Albert: “Juan, kaumangon!”

Sa kaugot ni Juan, ginhukas na ro sapatos ag ginhaboy kay Albert.

Ginpueot ni Albert ro sapatos ag dumaeagan.

Pag-uli ni Juan, gintao ni Albert  ro sapatos kay Juan.

Endren

Nag-abot si Dr. Mangunguma sa Sta. Cruz.

Nagtawag imaw it miting sa mga mangunguma.

“Mga igmanhod kong mangunguma,kon gusto ninyong magdoble ro inyong tubas maggamit kamo it Endren, tudas gid tanan ro sapat-sapat sa paeay.”

Ginsuno’t mga mangunguma. Pero pati ro mga anwang, isda ag kuhoe sa kaeanasan nagkaeamatay.

Mangtas

Si Mangtas nga kuring ro ginakahadlukan gid it mga eanggam.

Agod maduea si Mangtas, ginbutangan nanda’t hiniluan nga karne’t baboy ro ginaeugban ni Mangtas. Pagkakita kara ni Mangtas, ginsimutsimutan nana ra ag natumba. Ginpaeapitan eagi ni Masuesog, nga eamggam,  si Mangtas, ugaling gulpi nga gindakma ra liog ni Mangtas.

Ni Melchor F. Cichon
gumamilacruz@yahoo.com

 

Ni Melchor F. Cichon

gumamilacruz@yahoo.com

A Red Rose

a red rose--
a prize for the surrender
of her Bataan
***Melchor F. Cichon
June 11, 2018

haiku, dark clouds parting

dark clouds parting--
atop Manduyog Hill
Philippine August wind
***Melchor F. Cichon
June 11, 2018

Zephyr Psyche

MJ Varon

Hermzee Quitor, wedding

Hermzee Quitor

I Cannot Forget My First Meeting With The Father of Western Visayas Literature

I Cannot Forget My First Meeting With The Father of Western Visayas Literature
by Melchor F. Cichon
June 9, 2018

I cannot forget the first time
I met with the Father of Western Visayas Literature.
Just like before, I reported for work in the library.
And he came to visit me
After learning from someone that I write poetry.
But then he asked me if I could show him my masterpieces.
The next day I showed him my notebook
Filled up with my poems
Which I kept in my trunk.
He opened it and read my first poem.
Without hesitation, he told me
To throw away the notebook.
"Write a new one," he said.
"I will teach you how!"
With a heavy heart
I put my well kept gold
Into a wastebasket.
"Come," he said.
"Write in Aklanon
And fifty per cent of your writing problem is solved.
Then, create a conflict in your poem.
Use red gumamila, instead of just flower.
As high as a flagpole instead of tall
But do not forget your grammar.
And yes, copy and paste someone's poem
Is a trip to hell," he said.
After that session,
His words keep on drilling my mind
Even in my sleep.
Until today.

Each Time I see A Jail Bus

Each Time I see A Jail Bus
Melchor F. Cichon
June 8, 2018

Each time I see a jail bus
Sardinesed with prisoners
In orange dress,
With guards in full battle gears,
It reminds me
Of the pigs or chickens
And cows
Having their first
And last ride
To a slaughter house
On a cargo truck.
But then
It reminds me of the crumbled innocent girls
And women
And men being knifed or gunned down
By these heartless men.
But of course, some of them
Are like the chickens, pigs or cows
Being slaughtered
Just because of what they are.

Kato Anay

Kato Anay
Ni Melchor F. Cichon.
June 6, 2018

Kato anay
Ro mga paeay
Gasaut-saut
Sa huyop ni Amihan
Ag sa anang idaeom
Ro mga butot, pantat ag aeogsok
Gaeangoy-eangoy,
Gahibayag
Ay bastante ro limpyo nga eumot.
Apang pag-abot ni Indren
Nagkaeaduea
Ro mga gurami, butot, pantat, aeugsok.
Pati ro mga igi ag kuhoe hay nagkaeamatay
Sa kaeanasan.
Pati ro anwang ni Tatay Ulding
Ag ni Lolo Empoy
Hay nagkaeahilo man.
Raya kuno ro paagi
Agod mapuno ro tabungos
Ni Tatay Itsong.

proverb, Daywang balding euha

Daywang balding euha,
Indi kauli
Sa dungog nga nauea.

***Melchor F. Cichon
June 4, 2018

Haiku, bag-ong buean

bag-ong buean--
sa ugsaran it eangbon
gabuskad ro Sampaguita
***Melcichon
June 2, 2013

Haiku, graduation

graduation--
gabaligya si Lola it Sampaguita
sa gate it eskuylahan
***Melcichon
June 2, 2013

haiku, sunshine

sunshine—
I swim against
the flow of the spring
***Melchor F. Cichon.
June 2, 2015