Toto, Pumailaya Ka

Toto, Pumailaya Ka*

Melchor F. Cichon

.

Toto, pumailaya ka

Agud tumaeom ring isip.

Ginakueang kita riya’t kaaeaman.

Toto, pumailaya ka

Agud masayran mo ro

Hustong sabat ku imong mga pangutana:

Kon ham-at hasta makaron

Owa pa gid it bueong

Sa kanser nga gasueog sa atong banwa.

Kon ham-at sa pag-abu’t pagtuo

Imaw man ro pagdagaya’t kasae-anon?

Sa imong pag-usoy it kamatuoran,

Imo mang usuyon ro hustong paagi

Sa pagdaea sa lamesa

Ku mga tawo sa aeawayan.

Ayaw eon pagbasuea ring mga magueang

Sa andang mga kakueangan.

Obrahanon mo eon lang ring masarangan

Agud sa ulihi ring igmanghod hay may sueondan. 

*This is one of my earliest poems.