siin ro buean?
siin rang Parayaw?
aninipot sa mga dahon it santoe
***Melchor F. Cichon
Feb. 25, 2021
Thursday, February 25, 2021
Sunday, February 21, 2021
Iya Eang Ako Gahueat Kimo
Iya Eang Ako Gahueat Kimo
ni Melchor F. Cichon
February 17, 2021
Kon naganuoe ka gid man
Sa pagmunot mo
Sa bag-o mong mahae,
Indi ka maghawag
Iya ako kahueat eang kimo
Pareho it tungang-gabii
Nga gahueat sa pagbut-eak it adlaw.
Indi ka maghawag nga indi eon kita pagpalanggaon
Pareho kato tag gahurma pa eang kita ku atong daean.
Indi ka mahawag
Bukas pa gihapon ro atong baeay para kimo,
Pareho't pwertahan kang tagipusuon.
Thursday, February 18, 2021
Sunday, February 14, 2021
Kon Lipatan Mo Gid Man Ako
Kon Lipatan Mo Gid Man Ako
ni Melchor F. Cichon
Feb. 14, 2021
Hasayran ko nga lipatan mo gid man ako
Maski nagtug-an ka kakon
Sa atubang ku atong Ginuo
Nga hasta sa pagtunod ku atong adlaw
Ring pagmahae kakon.
Masakit batunon
Apang owa ako't mahimo.
Bukon ako't pareho ni Cardo
Ag buko't madamoe rang pitaka
Apang ginahimo ko nga adlaw rang gabii
Agod magnabaw ro atong taeagbasan.
Masakit panumdumon
Pero kinahangean nga batunon ko.
Pero kon lipatan mo gid man ako,
Palihog eang
Nga panumdumon mo
Bag-o ka matueog
Ro hapon
Kon siin mo ginsuksok ring singsing sa tudlo ko
Sa atubang ni Padre Paulo.
Saturday, February 13, 2021
Bisan Kueang sa Tinun-an
Bisan Kueang sa Tinun-an
ni Melchor F. Cichon
Bisan kueang sa tinun-an
Kon sangkad sa mayad nga pamatasan.
May mga tawo nga owa katapos it elementariya.
Pero malulo kon maghambae.
Kon mag-agi sa tunga it mga tawo nga nagahambae,
Nagadungok ag nagabutang ka anang tuong alima sa anang atubang ,
Ag gahambae nga "Paagi."
Kon magsabat, owa gaalsa ra boses.
Buko't gasang kon magsabat.
Nagapangayo't pasensiya, kon magkasaea.
Pero may mga tawo nga nakatapos it koleheyo,
Pero indi makakita ku anang mga isigkatawo.
Makakilaea eang kon may anang kinahangean,
Pero kon mabuoe eon nana ra gusto
Imaw eang ro tawo sa kalibutan.
Kon magsabat, permi eang imaw nga tama.
Ag permi eang nagakilat, nagadaeugdog.
Permi eang nga husto, maski saea.
Posted by:
Melchor F. Cichon
February 13, 2018
Friday, February 12, 2021
Subscribe to:
Posts (Atom)