Naghinyo Ako Sa Ginuo

Naghinyo Ako Sa Ginuo
ni Dang Decka Geusdan

Gin-Inakeanon ni Melchor F. Cichon
August 24, 2014

Naghingyo ako sa Ginuo nga hukson Na rang bugae
Ag naghambae ro Ginuo “Indi”,
Hambae Na nga buko’t ana kunong ueobrahon ra,
Ako kuno dapat ro maghimo kara.
Ginpangabay ko sa Ginuo nga bilugon Na ro mga unga nga may kapinsanan
Ag hambae it Ginuo “Indi”,
Kuno ro andang ispirito hay bilog.
Temporaryo eang man kuno ro andang eawas.
Naghinyo ako sa Ginuo nga taw-an ako’t pasensiya,
Ag naghambae ro Ginuo “Indi”,
Ro pasensiya kuno hay produkto it mga kasakit.
Owa ra ginatao, ginapahueasan ra.
Ginhinyo ko ro Ginuo nga taw-an Nana ako’t kalipayan
Ag naghambae ro Ginuo “Indi”,
Gatao kuno Imaw it grasya.
Ro kalipayan kuno hay depende kakon.
Ginhinyo ko sa Ginuo nga ipaeayo Nana ako sa kasakitan
Ag ro Ginuo naghambae “Indi”,
Hambae Nana ro kalisdanan kuno gapaeayo sa pangkalibutanon nga pagtatap
Ag nagapaeapit kuno ako Kana.
Hay....
Ginhinyo ko sa Ginuo nga patubuon Na rang ispirito
Ag naghambae Imaw nga “Indi”,
Hambae Nana nga obligasyon ko kuno nga magpatubo kara,
Pero Ana kuno ako nga utdan agod magbinungahon ako.
Ginpangutana ko Imaw kon ginahigugma Nana ako
Ag nagsabat Imaw nga “huo”.
Naghinyo ako sa Ginuo nga buligan Nana ako sa paghigugma sa akong isigkatawo
Pareho sa pagmahae Nana kakon
Ag nagsabat ro Ginuo, “Ah, sa katapusan may ideya ka gid man”.