Ang Kanding Ni Itsong

Ang Kanding ni Itsong

ni Melchor F. Cichon

March 7, 2015

Birthday ni Itsong.

Ginregaluhan siya sang kanding ni bing, maninay niya.

Tagsa ka aga, bag-o magsulod sa klase, ginalawig ni Itsong ang iya kanding sa wayang.

Kon magpauli si Itsong sa udto ginapainom niya ini sang maalat-alat nga tubi.

Adlaw-adlaw niya ini ginahimo. 

Natalupangdan niya nga nagatambok ang iya ginasagod.

Ginapabugal niya ini sa iyang mga klasmyt, kag hambal niya nga kon magbata ang iya kandingmahimo niya ini ibaligya. Makabakal na siya gilayon sang sapatos.

May debosyon sa Sagrada Pamilya sa ila barangay. Sila ang Hermano Mayor, ugaling waay sila kwarta para ibakal pagkaon para sa ila bisita.

Ginhambalan si Itsong sang iya Nanay nga ibaligya ang iya kanding para ihalad sa Sagrada Pamilya.

Waay magsabat si Itsong.

Nagtulo lang ang iya luha, samtang gadungok.

Pagpauli ni Itsong, nakita niya ang kalat sang iya kanding nga nakasab-it sa dahon sang saging.

Nagpadayon si Itsong sa iya kwarto kag magpisngo.