Ooops!

Ooops!
Ni Melchor F. Cichon
March 7, 2015

Bar tender si Mila sa Bestro Bar sa Diversion Road.
“Nami magligid-ligid galing kalayo pa ang Villa.”
Ginpalapitan siya ni Rico, isa ka suki sg Bestro. Daw si Daniel Padilla ang tsura.
“Mila”, hambal ni Rico, “idul-ong ta na lang sa inyo, may kotse ako.”
“Ha! Budlay na.”
“Permi mo man ko makita sa Restro, di bala?”
“Ah, huo. Basta promise  no touching, touching ha.”
“Sure, ah!”
Nagpungko si Mila sa front seat.  Ginpaandar ni Rico ang kotse.
“Mila, may boyfriend ka?”
“Siyempre!”
“Taga-diin?”
“Secret!”
“Ikaw?”
“Wala!”
“Ti, sin-o ginahulat mo?”
“Ikaw!”
 “Ooops! Di bala taken na ‘ko?”
“Kasal kamo, haw?”
Ginkaptan ni Rico ang kamot ni Mila.
“Galing,” hambal ni Mila, “may two-year old na ako nga baby boy.”
“Really?”  Naghipos ni Rico hasta makalab-ot sila sa balay ni Mila.
Halin sadto, waay na nagbalik-balik si Rico sa Bestro Bar kon diin ga-obra si Mila.