Bukon Man It Bulag si Juan

Bukon Man It Bulag si Juan
Ni Melcichon
Oct. 3, 2012
revised: Oct 3, 2016

Bukon man it bulag si Juan
Bukon man imaw it apa
Bukon man imaw it bungoe
Ugaling ginbusaean,
Ginbuta-butahan
Ag ginsuesugan ra dueongan.

Ahay, masueat eon lang kuno imaw
It binaeaybay hanungod
Sa adlaw nga ginatabunan it gaeum,
Hanungod sa suba nga daeag ro gasueog nga tubi,
Hanungod sa eawod nga may gaeutaw-eutaw nga balyena.
Hanungod sa mga eutayon nga karsada.

Indi gid kuno pwede magsueat
Hanungod sa mga nagakatunaw nga pundo it gobyerno,
Sa mga patayan sa kalye,
Sa mga death squad,
Bangod sa druga.
Ag kueang pa kuno ra.
Owa pa ngani kuno mapaea ro rekord ni Hitler
Sa pagpatay sa mga Hudeo.

Ahay...
Magpanihoe eon lang si Juan
Agod magbaskug ro huyop it hangin,
Agod ra bulador hay magtaas ra eupad.

Sige Eang Maski

Sige Eang Maski
Melchor F. Cichon
Oct 1, 2016

Sige eang maski matunod ro adlaw sa alas 4:00 it hapon,
Basta magkaibahan kita sa pagtunod na.

Sige eang maski ro buean hay indi eon magsipeat sa sidlangan,
Basta kaibahan ko ikaw sa anang pagbuteak.

Sige eang maski ro mga bituon hay indi eon mag-idlap-idlap sa kaeangitan,
Basta ring mga mata hay gaidlap-idlap eang kakon halin sa pagsipeat it adlaw hasta sa masunod nga pagsipeat it adlaw.

Sige eang maski indi eon magkanta ro mga pispis,
Basta daywa kitang gakanta ku atong paboritong kanta.

Sige eang maski ro orkid hay indi eon magbueak,
Total owa’t pag-untat ro imong pagbinueak.

Sige eang maski ro tubi sa Akean hay indi eon mag-ilig,
Total owa’t untat ro pag-ilig ku imong paghigugma kakon.

Sige eang maski indi eon naton mabuytan ro atong paginhawa,
Basta indi eang kita malipatan hasta sa katubtuban.

Kahapon, Abortion Road

kahapon, abortion road
makaron, duyan
bag-ong ugsad
***Melcichon
Sept. 27, 2014

Pagtunod It Buean

pagtunod it buean
owa kabatyag
ro alibangbang
***Melcichon
September 27, 2014

Ano Ka Baea?

Ano Ka Baea?
ni Melchor F. Cichon.

Kamote ka baea
Nga matig-a
Apang gahumoy
Kon eagaon?

Itlog ka baea
Nga kinahangeang
Haeungan
Apang kon pabukaean
Gatig-a ra sueod?

Kape ka baea
Nga kon eagaon
Hay matunaw
Apang gasabwag
It kahumot
Sa anang palibot?

*After reading an article about cheating

Sunshine

sunshine—
I follow
the flow of the spring
***Melchor F. Cichon.
June 2, 2015

Indi Sabat Ro Droga

Indi Sabat Ro Droga

 ni Melchor F. Cichon
Sept 12, 2016

May hakita eon man

Nga eaeaki

Sa kahilamunan,

Sa binit it karsada.

Nagakaya.

Puno’t dugo ra dahi.

Patay.

Naputos it tape

Ra bibig.

Sa likod na,

Nakabaklid ra daywang alima.

May kalibre .45

Sa dughan na.

May cardboard nga nakakabit

Sa liog na

Nga may nakasueat:

“Ako hay Drug Pusher,

Ag dapat eang nga maduea!”

Sample eang ra

Sa sobrang daywang libong drug pusher

Ag drug addict nga natudas

Paglingkod ni Duterte.

Owa’t eabot ro  65,000

Nga surrendees bangud sa droga.

Mga kasimanwa,

Manindugan kita!

Sa atong mga alima nakasandig

Ro pag-uswag ta,

Ku atong pamilya,

Ku atong banwa!

Apang ham-at  owa naton

Ginapanumdom ra?

Ham-at  nilibo ro drug addict,
Ro drug pusher sa atong banwa?

Tanan kita may problema.

Ag kada problema

May solusyon ra.

Buko’t solusyon

Ro droga

Sa pagbueong it problema.

Kon may kalipayan sa paggamit it droga,

Kalipayan eang ron it nagaobra kara.

Samtang gabinug-at ro andang buesa,

Gaeutaw-eutaw ro piniino’t drogista

Kon paano makakita’t kwarta

Agod ibakae it droga.

Tanan kita may kaaeam,

May abilidad agod kita mag-uswag.

Indi kinahangean

Ro pagsuyop it rugby

O pagyupyop it marijuana

O pag-inum it heroin  o ecstasy.

Indi kapanas ra ku atong problema.

Magtanum kita it kahoy

O daehog sa palibot ta,
May anihon pa kita.

Ibubo ro mga kalisod

Sa mga tinaga ku atong binaeaybay

O matag-ud nga mga estorya.

Pwede man idrible ro mga problema

Sa basketball court sa plasa.

Mga kasimanwa,

Magbueoytan kita

Sa pagpauswag ku atong pamilya,

Ku atong banwa!

White Moon

white moon--

remembering

mother’s lullaby

***Melchor F. Cichon

September 7, 2016

Gahibayag Ro Tigre

Gahibayag Ro Tigre

Gahibayag ro tigre
Kon hikita na
Nga ro usa gapisngo.
Pero kon maigo man ra kalimutaw
Ku baeas nga ginababoy kana
Gaus-os man gali ra uyahon.
***Melcichon
Sept. 3, 2014

Habang May Militar Sa Daan

Habang may Militar sa Daan

Habang may militar sa daan
Puso niya'y kinakabahan;
Nadukot kasi si Pareng Juan,
Habang pamunta ng simbahan.

(Para sa Mga Nawawalang Tao)

Maeara
August 30, 2011

Babaye Ka

Babaye Ka
Ni Melchor F. Cichon
August 26, 2016
11:00 a. m.

Babaye ka—
Nga may sanggatos ag sambilog nga obra:
Kusinera, yaya, nanay, nars, maestra,
Panday, mangunguma.
Kaibahan
Sa paghakot it bunbon,
Sa pagbira it lambat
Ag sa pagpili it sardinas sa butiti.
Kon amat hay
Drayber it sikad, habae-habae,
Taksi, bus
Ag piloto it eroplano ag LRT.

Babaye ka--
Kaibahan ka sa pagsindi it kandila
Kon may bagyo, kon may linog
Kon may baha, kon may gera.
Ring butkon hay makabitbit
It masakiton nga unga,
Ukon natumba nga baganihan
Sa hilway nga lugar.

Babaye ka
Nga makahaeakhak,
Nga makahigugma,
Nga makakanta
It Ili-ili Tueog Anay
Ukon Banwa Ko.

Babaye ka
Nga may pagbakho,
Nga makadumaea sa pag-atake it mga kaaway
Nga may armlite.

Babaye ka
Nga makatueod it pluma
Para sa kahilwayan.

****
 Babaye Ka
Ni Melchor F. Cichon
Revised: August 27, 2016

Babaye ka—
Nga may sanggatos ag sambilog nga obra:
Kusinera, yaya, nanay, nars, maestra,
Panday, mangunguma.
Kaibahan
Sa paghakot it bunbon,
Sa pagbira it lambat
Ag sa pagpili it sardinas sa butiti.
Kon amat hay
Drayber it sikad, habae-habae,
Taksi, bus
Ag piloto it eroplano.

Babaye ka--
Kaibahan ka sa pagsindi it kandila
Kon may bagyo, kon may linog
Kon may baha,  kon may gera.
Ring butkon hay makabitbit
It masakiton nga unga,
Ukon natumba nga baganihan
Sa hilway nga lugar.

Babaye ka
Nga makahaeakhak,
Nga makahigugma,
Nga makakanta
It Ili-ili Tueog Anay
Ukon Banwa Ko.

Babaye ka
Nga may pagbakho,
Nga makadumaea sa pag-atake it mga kaaway
Nga may armlite.

Babaye ka
Nga makatueod it pluma
Para sa kahilwayan.


***
Babaye Ka

Ni Melchor F. Cichon

August 26, 2016

Babaye ka—

Nga may sanggatos ag sambilog nga obra:

Kusinera, yaya, nanay, nars,

Mangunguma, piloto,

Kaibahan

Sa paghakot it bunbon,

Sa pagbira it lambat

Ag sa pagpili it sardinas sa butiti.

Kon amat hay

Drayber it sikad, habae-habae,

Taksi, bus

Ag piloto it eroplano.

Babaye ka--

Kaibahan ka sa pagsindi it kandila

Kon may bagyo, kon may linog

Kon may baha, kon may gera.

Ring butkon hay makabitbit

It masakiton nga unga,

Ukon natumba nga baganihan

Sa hilway nga lugar.

Babaye ka

Nga makahaeakhak,

Nga makahigugma,

Nga makakanta

It Ili-ili Tueog Anay

Ukon Banwa Ko.

Babaye ka

Nga maypagbakho,

Nga makadumaea sa pag-atake it mga kaaway

Nga may armlite.

Babaye ka

Nga makatueod it pluma

Para sa kahilwayan.

Gera ni Lapu-Lapu

Ang Gera ni Lapu-Lapu*
Hiligaynon version

Ang gera ni Lapu-Lapu,
Malaba na gera;
Indi matapos-tapos,
Aton ipadayon.

Mga utod, sulong! (singgit)

Akeanon Version
by Melchor F. Cichon
August 25, 2016

Ro gera ni Lapu-Lapu,
Mahaba nga gera.
Indi matapos-tapos,
Padayunon ta!

Mga igmanghod, abante! (shout)

* I heard this song from my granddaughter  who is a Kinder.

Panatang Makalibrarian
Melcichon
August 18, 2012

Umiibig ako sa isang librarian,
Kahit alam kong book lang lagi ang sa kanyang isipan.
Pero kahit papaano'y ako rin ay kanyang napupusuan
Dahil sa gitna ng libro niya'y ang pogi kong larawan.

Sisikapin kong mamahalin siya ng walang hanggan,
Dumaan man muli ang Bagyo Gener o Bagyo Frank.
At kung sakaling bumaling man sa iba ang kanyang isipan,
Mamahalin ko pa rin siya hanggang kamatayan.

Susundin ko ang payo ng aking puso’t isipan,
Kahit ito’y labag sa payo ng aking mga kaibigan.
Sisikapin kong maging matatag, matapang sa ano mang unos ng buhay,
Dahil siya lang ang mahal ko ng wagas at tunay.

Si Juan Posong, Sangka Maestro

Si Juan Posong, Sangka Maestro

Ni Melchor F. Cichon

 August 3, 2016

Sangka agahon sa klasrom it mga estudyante nga Grade 4. Nagalingkod ro mga estudyante sa andang mga lingkuran. Isaea sa mga estudyante hay si Juan Tamad. Owa magbuhay hay nagsueod si Juan Posong ag naglingkod sa lingkuran it tetser.

 “Mayad-ayad nga agahon, Sir,” hambae ku mga estudyante.

 “Mayad-ayad man nga agahon kinyo,” sabat ni Juan Posong.

 “Ako ro inyong tetser,” hambae ni Juan Posong.

“Klas,” padayon ni Juan Posong, “ipaguwa ninyo ro inyong lapis ag papil ay may ipadrawing ako kinyo.”

“Ano ro inyong ipadrawing kamon, Sir?”,  pangutana ni Juan Tamad.

“OK. idrawing ninyo ro anwang nga nagapaligos sa suba. Pagkatapos it 30 minutos hay ipasa kakon ninyo ro inyong mga papel.”

“Yes, Sir!” kuros ku mga estudyante.

Pagtapos it 30 minutes.

“OK class, pass your papers,” hambae ni Juan Posong.

Tag natipon eon ni Juan Posong ro mga papel hay ginpangtan-aw na ro mga obra ku mga estudyante. Hakita na ro obra ni Juan Tamad.

“Juan Tamad,” hambae ni Juan Posong. “Ham-at sangka kuris eang ro imong ginsueat sa papel mo?”

“Sayod ka, Sir,” sabat ni Juan Tamad, “nag-eunip ro anwang. Imaw ron nga indi mo makita ro anwang!”

 “Ah, OK!” sabat ni Juan Posong, ag ginpakita nana ro obra ni Juan Tamad sa anang mga kaklase.

Naghinibayag ro mga estudyante.

“Sir, Sir,” hambae ni Juan Tamad.

“Yes, Juan,” ano ron?”

Nagtindog si Juan Tamad ag nagpangutana kay Juan Posong.

“Sir, matuod gid baea nga ikaw ro amon nga tetser?”

“Huo. Ako. Busa indi gid kamo magsangag ha ay paagtunon ko gid ro inyong mga nanay sa Principal’s Office kon magsangag kamo.”

“Yes, Sir!”

 “Pero Sir,”padayon ni Juan Tamad, "hakita ko ikaw kahapon sa pihak nga kwarto nga nagalingkod sa klase ni Sir Bartolome.”

“Hipos,” hambae ni Juan Posong kay Juan Tamad.

Mahambae pa kunta si Juan Tamad ugaling nag-abot ro sangka maestra.

 “Good morning, class.”

 “Good morning, Ma’am. ”

“Ako ro inyong tetser sa rayang klase. Ako si Tetser Luchie Magalang."

Gintueok ni Tetser Luchie si Juan Posong nga nagalingkod sa lamesa it tetser. Estudyante na anay si Juan Posong ku isaeang dag-on sa Grade 5.

“Juan, ham-at iya ka sa among klase? Bukon abi’t igto ka sa pihak nga klasrom? Sige, guwa eang anay palihog.”

 “Yes, Ma’am,” ag gulping dumaeagan si Juan Posong paguwa it kwarto.

Naghinibayag ro mga estudyante pagguwa ni Juan Posong.

Salvage

May natagpuan na namang

Lalaki

…………………….Sa tabi ng daan.

Duguan ang dahi.

Patay.

Nababalutan ng tape

Ang kanyang bunganga.

May kalibre .45

Sa kanyang tabi.

May nakasulat:

“Ako’y isang drug pusher.”

****Melchor F. Cichon

August 2, 2016