Baye

Baye
Ni Melcichon
April 12, 2014

Nag-ampo ka baea
Nga salingsingngan mo ring dila
Ag pugowon mo ring mga isiw.
Ah, ham-at halipatan mo ron tanan?
Ano ra mga maskara gid lang?
Agod abi ro mga gae-um sa ing kabuhi
Ay maapok it hangin
Sa tina-ipan?
Hambae kang apo
Ro mga purilon
Sa impiyerno gaagto.
Matueo rang euha
Kon makita ko nga
Ring espirito
Ginasilaban
Ni Satanas.
Pero ro pagsipeat it adlaw
Hay permi ron gaabot.
Ag ro pwertahan it Kaeangitan
Hay permi ron nga bukas
Sa tanan nga gatueok
Sa Ibabaw.
24/7 ron nga bukas,
Baye.