Itanong Mo Sa Ulan!
ni Maeara
April 27, 2014
Tay, bakit dumuduyan
Ang dyip na sinasakyan natin?
May lindol ba?
Wala, Toto, marami lang butas ang kalsada
Pagkalipas ng ulan.
Bakit, Tay?
Itanong mo na lang kay Kongresman.
Ginuong Kongresman,
Bakit maraming butas ang ating kalsada?
Anak, itanong mo
Sa taga-DPWH.
Engineer, bakit maraming butas
Ang ating kalsada?
Itanong mo
Sa ulan!
Ulan, bakit mo binutasan
Ang aming daan?
Dahil ang inspeksyon ng project, Anak,
Ay doon sa hotel ginanap,
At hindi sa kalsada!
Monday, April 28, 2014
Subscribe to:
Post Comments (Atom)
No comments:
Post a Comment