Gitanjali 44
ni Rabindranath Tagore
Gin-Inakeanon ni Melchor F. Cichon
January 7, 2016
Raya rang kalipayan, mag-hueat ag magpanilag sa binit it karsada, kon siin ginaeagas ro anino it kahayag ag kon mag-abot ro uean sa tunga it tag-ilinit.
Mga mensahero, may pagpadungog halin sa owa masayran nga mga eangit, ro nagakamusta kakon ag madasig ro anda nga pagpinanaw sa daean. Nalipay sa sueod rang tagipuso-onl at matam-is ro paginhawa ku nagaaeagi nga mahanayhay nga huyop it hangin.
Halin sa pagsipeat it adlaw hasta sa pagtunod kara, nagalingkod ako sa atubang it pwertahan, ag hasayran kong gulpi ro masadyang matag-ud nga tyempo hay maabot ag makita ko.
Samtang, gahiyum-hiyum ako ag nagakantang maisahanon. Samtang, nagakapuno ro kaeangitan it pahumot it pangako.
No comments:
Post a Comment