Gitanjali 45

Gitanjali 45

ni Rabindranath Tagore

Gin-Inakeanon ni Melchor F. Cichon

January 22, 2016

Owa mo mabatii ro mahipos nga mga eapak?  “ Gaabot imaw, gaabot, gainabot.”

Kada oras ag kada dag-on, kada adlaw ag kada gabii, gaabot Imaw, gaabot, gainabot.

Sa kaabu-abuon ko eon nga mga kanta nga hakanta sa kaeain-eain ko nga pamatyagon, pero ro andang nota hay  perming gahambae nga “gaabot Imaw, gaabot, gainabot.”

Sa mahumot nga mga inadlaw it masilakon nga Abril  gaabot Imaw gaagi sa daean it kagueangan, gaabot, gainabot.

Sa kalisod pagkatapos it kalisod,  ana nga mga eapak ro gadum-ok sa ang tagipuso-on, ag ro bueaeawanon nga tabing ku anang mga siki ro nagapasiga kang kalipayan.