Para Sa Apo Ko

Para Sa Apo Ko

Ni Melchor F. Cichon.

December 22, 2015

Kahit pagod ako

At nakita kitang ngumingiti,

Para akong bagong paligo.

Kahit na wala na akong pambili ng pan de sal,

Kapag lumapit ka sa akin,

Upang humingi ng sampung pisong

Pambili ng Yakult o tahu mo

Ibinibigay ko ito sa 'yo.

Kahit na mahuli na ako sa aking trabaho

Kapag nakikita kitang umiiyak

Dahil alam mong aalis ako

Upang maghanap ng perang

Pambili ng gatas, diapher mo,

Nagpapaiwan muna ako.

Kahit na masakit na ang likod ko

Sa kakakarga sa 'yo lalo na kung may lagnat ka,

Sige pa rin ang pagkakarga ko sa 'yo.

Ok lang lahat ang mga ito,

Dahil ikaw Apo ang bituin ko.