Strike makaron it mga saeakyan
Abung pasaherong habilin sa daean
Tao kon ano ro mahimo ku atong mga opisyales
Sa pagtinaas ku produktong langis?
Matan-aw eang ron siguro sanda
Paris ku mga nakataliwan ng mga strikes sa atong banwa
Total mahipos man lang ro mga gawakae sa karsada
Kon gauyon eon don sanda sa andang welga.
Ro hangin, init it silak ham-at ginapabay-an?
Ham-at sa lanngis gid lang kita nakasandig?
Ham-at indi paghimuon nga enerhiya
Ro hangin, ro silak nga kaabu-abu sa atong banwa?
Ro mga kapre, ro mga aswang sa Malakanyang
Ro mga pating, ro mga buaya sa atong kongreso
Owa eo't gina-obra kundi mag-inibestiga
Sa mga lion ag tigre ku atong banwa.
Ay, banwa? Magkaraya eon lang kita kara?
Magtinuhil-tunhil ku buwan ag bituon
Hasta kita malipong, matumba?
Banwa? Siin ro tawong naghambae nga ro daean tadlungon na?
May 2, 2011
No comments:
Post a Comment