Sueat Kay Bing

November 1, 1992
Brunei

Dear Bing,

Kamusta ka eon?
Nagkipot eon baea
Ro bibig ni Tito Ernie Maceda?

Iya, maswerti kami talaga.
Kon gabii eang ro amon nga obra.
Si Prinsipe pa kamon ro nagapaeakpak
Kon artistic
Ro amon nga pagkiri-kiri
Sa atubang na.

Kon adlaw,
Abi mga artista kami riya.
Ugaling gasunglas eang kami
Ay basi may Pinoy nga makakita kamon riya
Ag isugid eon man kay Tito Ernie
Ag mahedlayn eon man ro mga Brunie Beauties.

Pero hipos eang.
Ay kon mag-uli kami rina,
May eukas ka gid kakon
Nga bueawan nga singsing.
Ginregalo ra kakon ku sidekick ni Prinsipe.

Love,

Vicky