Kilat
Ni Melchor F. Cichon
August 27, 2017
Ginbantog nga si Kapitan Leoncio Hernandez ro lider it mga girilya sa Lezo.
Agod makalikom it kwarta ro mga girilya hay nagpabayli imaw ag naghimo imaw it mga kwarta nga papel halin sa manila paper. Naakig ro mga Hapon. Busa gusto nanda nga dakpon imaw, buhi o patay. Ugaling owa't nagasugid kon siin imaw. Nagplano ro mga Hapon kon paano nanda madakpan si Kapitan Hernandez.
Nagtawag it miting ro mga hapon sa tanan nga mga pumueoyo it Lezo. Haeos tanan nga mga tawo it Lezo hay nag-agto sa plasa.
"Buligan ninyo kami sa pagdakop kay Kapitan Hernandez," hambae ni Heneral Agora. "Kon indi ninyo isugid kon siin imaw, tanan kamo hay masingganon sa plasa."
Ginsugo ni Heneral Agora ra sangka kapitan nga ibandilyo sa kabaryohan nga kinahangean magsurender si Kapitan Hernandez bag-o magsipeat ro adlaw sa masunod nga adlaw. Kon indi, tanan nga pumueoyo sa plasa masingganon sa plasa pagkasunod nga agahon.
Habatinan ni Kapitan Hernandez ro mando ni Heneral Agora. Ginpanumdom nana ro kabuhi ku anang kasimanwa. Busa nagsungka eagi-eagi imaw kay Heneral Agora. Ginbaklid ra daywang alima ag ginhigtan it kaeat. Gindaea sa headquarters it mga Hapon si Kapitan Hernandez. Ginpauli ro mga pumueoyo nga gintipon sa plasa. Gin-usisa si Kapitan Hernandez ag napamatud-an nanda nga nagkasaea imaw. Gintakna nga barilon imaw sa plasa sa masunod nga adlaw.
Pagkaagahon, ginpamartsa si Kapitan Hernandez sa plasa. Ag ginpatindog imaw sa tunga it plasa. Ginbutangan it tabon ra mga mata it maitum nga tela. Nagmando si Heneral Agora sa sangka platon nga soldadong mga Hapon. Ginpaatubang sanda kay Kapitan Hernandez ag ginhambaean nga sa eksakto alas siete it agahon, barilon si Kapitan Hernandez. Tag 30 segundo eon lang bag-o mag-alas siete, gulpi nga nagkilat ag dumueogdog it kabueongoe, ag bumunok ro uean. Gulpi man nga nagdueom ro palibot. Ginmando ni Heneral Agora nga papundohon anay ro eksikusyon ni Kapitan Hernandez hasta maghueaw.
Paghueaw, naduea si Kapitan Hernandez sa anang gintindugan. Ro habilin nga nagatindog sa tunga it plasa hay sangka puno it saging.
Ni Melchor F. Cichon
August 27, 2017
Ginbantog nga si Kapitan Leoncio Hernandez ro lider it mga girilya sa Lezo.
Agod makalikom it kwarta ro mga girilya hay nagpabayli imaw ag naghimo imaw it mga kwarta nga papel halin sa manila paper. Naakig ro mga Hapon. Busa gusto nanda nga dakpon imaw, buhi o patay. Ugaling owa't nagasugid kon siin imaw. Nagplano ro mga Hapon kon paano nanda madakpan si Kapitan Hernandez.
Nagtawag it miting ro mga hapon sa tanan nga mga pumueoyo it Lezo. Haeos tanan nga mga tawo it Lezo hay nag-agto sa plasa.
"Buligan ninyo kami sa pagdakop kay Kapitan Hernandez," hambae ni Heneral Agora. "Kon indi ninyo isugid kon siin imaw, tanan kamo hay masingganon sa plasa."
Ginsugo ni Heneral Agora ra sangka kapitan nga ibandilyo sa kabaryohan nga kinahangean magsurender si Kapitan Hernandez bag-o magsipeat ro adlaw sa masunod nga adlaw. Kon indi, tanan nga pumueoyo sa plasa masingganon sa plasa pagkasunod nga agahon.
Habatinan ni Kapitan Hernandez ro mando ni Heneral Agora. Ginpanumdom nana ro kabuhi ku anang kasimanwa. Busa nagsungka eagi-eagi imaw kay Heneral Agora. Ginbaklid ra daywang alima ag ginhigtan it kaeat. Gindaea sa headquarters it mga Hapon si Kapitan Hernandez. Ginpauli ro mga pumueoyo nga gintipon sa plasa. Gin-usisa si Kapitan Hernandez ag napamatud-an nanda nga nagkasaea imaw. Gintakna nga barilon imaw sa plasa sa masunod nga adlaw.
Pagkaagahon, ginpamartsa si Kapitan Hernandez sa plasa. Ag ginpatindog imaw sa tunga it plasa. Ginbutangan it tabon ra mga mata it maitum nga tela. Nagmando si Heneral Agora sa sangka platon nga soldadong mga Hapon. Ginpaatubang sanda kay Kapitan Hernandez ag ginhambaean nga sa eksakto alas siete it agahon, barilon si Kapitan Hernandez. Tag 30 segundo eon lang bag-o mag-alas siete, gulpi nga nagkilat ag dumueogdog it kabueongoe, ag bumunok ro uean. Gulpi man nga nagdueom ro palibot. Ginmando ni Heneral Agora nga papundohon anay ro eksikusyon ni Kapitan Hernandez hasta maghueaw.
Paghueaw, naduea si Kapitan Hernandez sa anang gintindugan. Ro habilin nga nagatindog sa tunga it plasa hay sangka puno it saging.
No comments:
Post a Comment