Total Pageviews

Search This Blog

Saturday, April 20, 2019

Poem, Dali Eon! Dali Eon Sa Lezo

Dali Eon! Dali Eon Sa Lezo.
ni Melchor F. Cichon.
November 27, 2018


Dali eon! Dali eon!
Maagto kita sa Lezo.
Banwa ra nga malinong,
Banwa ra it kalipayan,
Banwa ra it Bayangan Festival.
Iya masamitan ro ginahandum
Nga buti, puto ag bingka;
Ro matam-is nga bayawas ag lanzones
Ag ro ginakahidlawan nga dragon fruit.
Iya man ginahaboe ro tela nga pinya
Nga ginaobra nga barong, kimona ag saya.
Sa Lezo eang makit-an ro life-size bronze
Nga rebolto ni Dr. Jose Rizal
Nga maeapit sa dumaan nga simbahan it San Isidro de Labrador.
Dali eon! Dali eon sa banwa it Lezo,
Ro pinakamaisut nga banwa sa bilog it Aklan.
Pero iya natawo ro ibang bantog nga Akeanon.
Sa Lezo natawo ro Lolo it Akean.
Nga si Simeon Mobo Reyes.
Iya man natawo ro Tatay it Aklanon Literature.
Ag kon kaang, kueon, tadyaw
Ag kaeain-eain pa nga produkto
Nga halin sa daga ro hambaean,
Ro Lezo gid ro number one.
Busa ro Lezo ro ginatawag
Nga Pottery Capital it Aklan.

No comments: