Sige Ro Inuean
Melchor F. Cichon
June 21, 2019
Gauean it kuring ag ayam
Ag kanding ag anwang,
Ag baka ag kabayo.
Gauean it baboy ag elepante.
Gauean it dagom ag gunting,
Labaha ag sudlay.
Gauean it wig ag bungot
Pati ro saeamin nga gasimangot.
Gauean it bugas ag gatas,
Pati ro saging ag mansanas.
Gauean man gihapon it tsinelas
Maski owa ka gawaeas.
Gauean it itlog it manok,
Pati ro itlog it pato ag gansa.
Pero kon owa ka sa euyo ko
Gakipot ro kaeangitan ag ro karsada.
No comments:
Post a Comment