Total Pageviews

Search This Blog

Saturday, July 13, 2019

Poem, Akeanon Ako

Akeanon Ako
ni Melchor F. Cichon.
July 13, 2019

Akeanon ako
Ag Akeanon rang hambae.
Owa't ibang hambae
Nga makaeampas kara
Ano man ro matabu!
Tan-awa baea
Napaea sa mapa ro probinsya't Akean,
Sa sueod it tatlong gatos anyos
Pag-eapak ni Magellan sa Pilipinas,
Pero owa gid mapanas sa dila't
Mga Akeanon ro hambae Akeanon.
Nagtimgas pa gid ngani ra.
Ag makaron
Mabasa eon ro mga sinueatan it mga Akeanon
Sa mga antolohiya
Pareho sa mga binaeaybay nanday
Alexander de Juan, John Barrios,
Nynn Arwena G. Tamayo ag ni Mila DelaRosa.

No comments: