Gitanjali 30

Gitanjali 30

ni Rabindranath Tagore

Gin-Inakeanon ni Melchor F. Cichon
December  25, 2015

Ako eang nga isaea ro nag-agto sa aton nga gintratohan nga lugar. Apang sin-o rayang gasunod kakon sa malinong nga dueom?

Nagpabinit ako agod likawan imaw pero indi ako makatakas.

Ginapaeupad nana ro tapo-tapo halin sa eugta sa anang pagsipa; ginadugang nana ra mabaskug nga limog sa kada tinaga nga mamitlang na.

Imaw rang maisut nga kaugalingong eawas, akong ginuo, owa imaw it huya; apang nahuya akong magpaeapit sa imong pwertahan nga kaibahan imaw.

Pagkatapos Nga Magsanga

Pagkatapos Nga Magsanga
Melchor F. Cichon
December 25, 2015

Pagkatapos nga magsanga
Ro atong daean,
Nagsobeang gid man kita’t uman.
Apang owa gid magsobeang ro atong mga mata.
Nag-eain eon gid man ro atong pagtueok
Sa kada isaea,
O ring pagtueok eang kakon.
Pero kon madumduman ko
Ro atong kahapon
Kon siin pareho eang ako
Sa aso nga gasunod-sunod sa huyop it hangin,
Ugaling sa pag-abot ko
Nga sa panan-aw ko igto ka gid man,
Nakahalin ka eon man gali.
Apang sige eang rang pagsinunod-sunod kimo
Hasta nadaphag ako sa eunang
Nga gin-agyan mo.
Ag owa mo gid ako
Ginbuligan sa pagtindog.
Owa gid maski ginlingutan eon lang.
Pero sige eang makon,
Makabangon gid man ron ako.
Ag sa pagtindog ko,
Hakita eon man kita.
Pero owa ka man gihapon
Maski magtueok eang kakon.
Nahuya man ako magpaeapit kimo
Pares ku gae-um sa buean
O pareho ku tubi sa busay
Nga nagaduylon panaog paagto sa sapa
Kon siin anay kita gaeagsanay
Kon tigsililak.
Sige eang makon
Dumdumon ko eang
Nga abot-tan-aw ka
Sa kabuhi ko.

Binaeaybay Panghigugma

Binaeaybay Panghigugma

Ni  Linda Pastan

Gin-Inakeanon ni

Melchor F. Cichon

December 25, 2015

Gusto ko nga sueatan kita

it binaeaybay panghigugma

pareho it gasueog nga sapa

pagkatapos it pagtunaw it yelo

samtang gatindog kita

sa delikado nga pangpang

ag gabantay sa pag-anod

it kada salingling

it kada eaya nga dahon ag sanga

sa anang daean

sa kada pagduda

kon makita naton ra anang

paghabok

nga may  sue-ob

nga maski gabantay kita

aton nga dapat habniton ro kada

isa ukon

ubahon ta

ro aton nga nahuemang sapatos

nga dapat

habniton kada isaea

Ro Mula

Ro Mula
Ni Aesop
Gin-Inakeanon ni Melchor F. Cichon
December 25, 2015

 Ro mula, nga nagtambok ag gahinampang bangod bastante sa pagkaon, nag-umpisa't eumpat-eumpat ag mag-eukso-eukso, hasta nagpati nga sa pagdaeagan ag sa kapisik, owa't makatupong kana.

"Rang nanay nga kabayo hay gaintra sa karera," anang hambae, "ag makadaeagan man ako't pares kana!"

Ra pagtinguha hay mabahoe ro epekto kana, apang madli imaw gauyon, ag igto nana nadumduman nga ra anang gali nga tatay hau sangka asno.

Leksiyon: Daywa ro kara sa kada kamatuoran.

Gitanjali 29

Gitanjali 29

ni Rabindranath Tagore

Gin-Inakeanon ni Melchor F. Cichon.

December 24, 2015

Imaw nga ginputos ko sa ngaean ko hay nagatangis sa sueod it rayang karsel. Owa ako magsugot nga magpatindog it pader ngara sa palibot ; ag samtang nagataas ra sa eangit sa adlaw-adlaw hay nagakaduea sa panan-awon ko ro matuod nga pagkatawo ko sa anang madueom nga anino.

Ginapanginbolahan ko ro rayang dungganon nga pader , ag ginplastiran ko ra it tapo-tapo ag baeas ag basi may mabilin nga maisut nga buho sa anang pangaean; ag sa tanan nga pagsapupo hay naduea sa panan-awon ko ro matuod-tuod ko nga pagkatawo.

Gitanjali 28

Gitanjali 28

ni Rabindranath Tagore

Gin-Inakeanon ni Melchor F. Cichon

December 24, 2015

Matig-a ro mga sagabae, pero gasakit rang tagipuso-on sa oras nga samitan ko nga gob-on ra.

Kahilwayan eang gid rang gusto,  apang ro paghandum kara hay nahuya ako.

Sigurado ako nga ro owa’t katupong nga manggad hay una kimo, ag ikaw gid lang rang suod nga amigo, apang owa ako’t tagipuso-on agod silhigon ro paeara nga nagapuno kang kwarto.

Ro belo nga nagatakup kakon hay belo it tapo-tapo ag kamatayan; naugot ako, apang ginakupkupan ko it may pagmahae. Rang utang hay abu, rang kapaslawan hay pwerte, rang  kahuy-anan hay sekreto and mabug-at; apang kon magpaeapit ako agod mangayop’t kamaeayran ko, ginakurog ako sa kahadlok ay basi rang pangamuyo hay itao.

Ro Mangingisda ag Ro Maisut nga Isda

Ro Mangingisda ag Ro Maisut nga Isda
ni Aesop
Gin-Inakeanon ni Melchor F. Cichon.
December 24, 2015

May sangka mangingisda, nga nagapangabuhi sa pagpangisda, hay nagpamunit it sangka adlaw sa suba pero sambilog gid lang nga maisut nga isda ra hadawi.

“Buhii ako, gapakitluoy ako kimo,” hambae ku maisut nga tinuga, “maghinuesoe ka eang sa ihapon mo ay owa pa gid ako mag-abot sa matuod-tuod ko nga kabahoe. Ihaboy mo eon lang ako sa suba., ag kon magbahoe eon ngani ako ag kadapat-dapat eon ako nga kan-on bumalik ka gid riya ag dakpon mo ako’t uman.

“Indi, indi,” sabat ku mangingisda, “hadakpan ka eon nakon, ag kon ibalik ka pa nakon sa tubi, hambaeon mo eon man nga ‘Dakpa ako kon madakop mo.”

Leksiyon: Ro pispis nga ginabuytan mo hay mas importante pa ku sa daywa nga sa taeon.

Aesop's Ro Guyom ag ro Alisiwsiw

Ro Guyom ag ro Alisiwsiw

ni Aesop

Gin-Inakeanon ni Melchor F. Cichon

December 23, 2015

Sa sangka maeamig ag mayeluhon nga adlaw, ro guyom nga nagtago it pilang bilog nga mais ku tagsililak hay nagpaguwa it pilang bato kara agod magmaea.

Ro alisiwsiw, nga haeos patay eon ag gutom nga gutom, nagpangayo it sanghungit nga mais agod masalbar ra kabuhi.

"Ano ring ginpang-obra ,"  pangutana ku guyom, "sa bilog nga tig-ilinit?"

"O," sabat ku alisiwsiw, " Owa man ako nagduhong, a. Nagkinanta ako sa bilog nga adlaw."

Naghibayag ro guyom ag, samtang gatipon ka mais, naghambae, "Bangod nagkinanta ka ku bilog nga tig-ilinit, pwede ka man magsinaot sa bilog ngara nga tin-eamig."

Leksiyon: Indi naton dapat palampason ro uportunidad.

Gitanjali 27

Gitanjali 27
Rabindranath Tagore
Gin-Inakeanon ni Melchor F. Cichon
December 22, 2015

Kahayag. O, siin ro kahayag? Sindihan ra sa nagadabdab nga kaeayo it handum!

May ona nga kingke galing owa gid it maski sangka igpat nga dabdab, makaruyon ring kapaearan, tagipusuon ko! Ah, mas mayad pa ro kamatayan para kimo!

Nagtoktok sa pwertahan ko ro kalisud, ag ra mensahe hay mahueat ro imong , ag ginpatawag ka nana agod sa sangka pagtatagpo  sa tunga it kadudueman it gabii.

Ginahabuean ro kaeagitan ag owa’t  paghueaw  nga uean. Owa ako kasayod kon ano ro nga nagahaeugay kakon, owa ako kasayod kon ano ra buot hambaeon kara.

May sangka siglab it kidlat nga nagdaea it mas madaeum nga kalisud sa panan-awon ko, ag rang tagipusuon hay naghulikap ku daean kon siin ro kanta it gabii hay nagtawag kakon.

Kahayag, o siin ro kahayag! Sindihan mo ra it dabdab it kaeayo it paghandum! Nagdaeogdog ag ro hangin paagto sa  owa’t kapuseanan. Madueom ro gabii pareho it maitum nga bato. Indi pagsugti nga mag-agi ro mga oras  sa tunga it madudueman.  Sindihan ro kingke it paghigugma ku imong pangabuhi.

Gitanjali 28

Gitanjali 28
Rabindranath Tagore
Gin-Inakeanon ni Melchor F. Cichon
December 24, 2015

Ro Sutil Nga Ayam

Ro Sutil Nga Ayam
ni Aesop
Gin-Inakeanon ni Melchor F. Cichon
December 22, 2015

May sangka ayam nga masyado ka pintas ag sutil nga napilitan ra agaeon nga magbutang it lingganay sa anang liog agod mapaandam ra mga kaeapit ku anang maeain nga batasan.

Ro ayam, nga nagapabugae ka anang ornamento, hay nagparada sa tindahan, nga ginapatunog na ra lingganay agod makita imaw.  Apang ro maisut nga ayam, nga nagapamati sa mga libak ku mga nagapamantaw kana hay naghambae:
"Kon mas sangkire ring himuon nga sangag, mas mayad para kimo; ring lingganay hay nagtao eang kimo it maeain nga pamatasan sa imong kaeapit, ag owa't dapat nga ipabugae."

Leksiyon: May mga tawo nga sa pag-eaum nanda hay ro kasamaran it dungog hay nagapabantog kanda.

Para Sa Apo Ko

Para Sa Apo Ko

Ni Melchor F. Cichon.

December 22, 2015

Kahit pagod ako

At nakita kitang ngumingiti,

Para akong bagong paligo.

Kahit na wala na akong pambili ng pan de sal,

Kapag lumapit ka sa akin,

Upang humingi ng sampung pisong

Pambili ng Yakult o tahu mo

Ibinibigay ko ito sa 'yo.

Kahit na mahuli na ako sa aking trabaho

Kapag nakikita kitang umiiyak

Dahil alam mong aalis ako

Upang maghanap ng perang

Pambili ng gatas, diapher mo,

Nagpapaiwan muna ako.

Kahit na masakit na ang likod ko

Sa kakakarga sa 'yo lalo na kung may lagnat ka,

Sige pa rin ang pagkakarga ko sa 'yo.

Ok lang lahat ang mga ito,

Dahil ikaw Apo ang bituin ko.

Gitanjali 35

Gitanjali 35
Ni Rabindranath Tagore
Gin-Inakeanon ni Melchor F. Cichon
December 22, 2015


Kon siin ro panghunahuna hay owa't kahadlok ag ro ueo hay tadlong;
Kon siin ro kinaaeam hay hilway;
Kon siin ro kalibutan hay owa gid nagkaeapudpod bangod sa mga makitid nga mga baeaynong pader;
Kon siin ro mga bisaea hay gabutwa sa kaidadawman it kamatuoran;
Kon siin ro mga butkon nga owa't pagkakapoy hasta maabot ro pagkaperpekto;
Kon siin ro matin-aw nga busay it rason hay indi magtaeang sa maeuyang deserto it patay nga ugali;
Kon siin ro hunahuna  hay ginaagubayan paagto sa  nagaeapad nga pag-eaum ag paghueag--
Igto sa eangit it kahilwayan, akong Tatay, sugti ninyo nga rang banwa magbugtaw.

Ro May Sakit nga Lobo ag Ro Tiyo it Karnero

Ro May Sakit nga Lobo ag Ro Tiyo it Karnero

ni Aesop

Gin-Inakeanon ni Melchor F. Cichon.

December 22, 2015

Gintawag it sangka lobo nga may sakit ag indi makahueag ro nagaagi nga tiyo it karnero ag anang ginpangabay nga daehan imaw it tubi nga mainum sa maeapit nga sapa.

"Kon madeahan mo ako't tubi," hambae na, "ako eon eon lang bahala sa pag-usoy it karne para kakon."

""Abaw ah," sabat ku tiyo nga karnero. "Ay kon magpaeapit eon ngani ako kimo agod daehan ka't tubi, hasayran ko gid nga taw-an ka gid nakon it karne,"

Leksiyon: Mag-andam gid sa ipokrito(a).

falling leaves

falling leaves--
this is
life
***Melcichon
December 22, 2013

Ro Mga ayam ag Ro Mga Panit

Ro Mga ayam ag Ro Mga Panit

ni Aesop
Gin-Inakeanon ni Melchor F. Cichon

December 20, 2015

May pilang gutom nga ayam, nga owa ka tipon it husto nga panit nga ginbilin it manugpanit sa idaeum it sapa, nagkasugot nga imnon nanda ro tubi it suba ag basi man lang mabuoe nanda ro andang premyo. Nag-umpisa sanda't inum ugaling eumupok ro andang tiyan, pero owa gid nanda maabot maski sangka purgada ro mga panit.

Leksiyon: Ratong mga tawo nga nagagamit it saea nga paagi hay pwedeng matabu nga gob-on ra andang eawas sa pagtinguha nga maobra nanda ra.

Ro Leon ag ra Tatlo Nga Manugeaygay

Ro Leon ag ra Tatlo Nga Manugeaygay

ni Aesop

Gin-Inakeanon ni Melchor F. Cichon.

December 20, 2015

Gintawag ku leon ro karnero ag ginpangutana imaw kon mabaho ra hinhawa.

"Tama," ra sabat, ag ginpatay imaw ku elon bangod sa anang pinaumang nga sabat.

Gintawag na dayon ro lobo ag ginpangutana imaw ku pareho nga pangutana.

"Owa ah, owa gid," sabat it lobo; pero ginpanggunit-gunit man imaw gihapon bangod sa anang pagdayaw it sobra-sobra.

Sa katapusan, gintawag ni leon ro tumanggong* ag ginpangayo ra opinyon sa pareho nga pangutana.

""Maeain rang sip-on," ro tusong sabat it tumanggong, " ag indi gid ako makahugom."

Leksiyon: Ginabantayan it maaeam nga tawo ro anang dila.

*Tagalog term for fox.

Ro Alimango ag Ra Anang Nanay

Ro Alimango ag Ra Anang Nanay

ni Aesop

Gin-Inakeanon ni Melchor F. Cichon.

December 20, 2015

""Ham-at kon magtikang ka hay tiku-tiku, Toto?" hambae ka anang nanay. "Kinahangean nga magtuon ka't pagtikang nga diretso."

"Ipakita mo kakon ro paagi, Inay," sabat ka unga nga alimango, "agod kon hikita ko kon paano magtikang nga diretso, sundon ko."

Leksiyon: Mas mayad ro ehemplo ku sa tueomanon.

Gitanjali 26

Gitanjali 26

RabindranathTagore

Gin-inakeanon ni Melchor F. Cichon

December 19, 2015

Umabot imaw ag naglingkod sa kilid ko, pero owa ako makabugtaw. Isaea ratong pagtueoy nga katueogon, Ay, si kaeueooy nga ako!

Umabot imaw samtang malinong ro kagab-ihon; ginabuytan nana ra arpa, ag rang mga panamgo hay mga ugong sa anang melodiya.

Kanugon! Ham-at naduea rang kagab-ihon? Ay, ham-at indi ko permi makita ra anang uyahon nga may ginhawang nagahapeos sa katueogon ko?

Gitanjali 25

Gitanjali 25

RabindranathTagore

Gin-inakeanon ni Melchor F. Cichon

December 19, 2015

Sa gabii nga pagkagauy, sugti akong makatueog nga owa't kabudlay, ag ikarga eang kauglingon kimo.


Indi mo ako pagsugti nga piliton ko rang gaeupaypay nga espiritu hanungod sa manabang klase nga pagpreparar sa pagpadungog kimo.


Ikaw ro gapilo ku kurtina it gabii sa mga gauy nga mata it adlaw agod mag-eutaw eon man ro panaw-awon sa mas maalipaksing kasadya it pagmukeat.

Gitanjali 24

Gitanjali 24

ni Rabindranath Tagore

Gin-Inakeanon ni Melchor F. Cichon

December 19, 2015

Kon nagtunod eon ro adlaw, kon ro mga kapispisan owa eon gakaeanta, kon gaoy eon ro hangin, ihapeag eon dayon kakon ro takurong it kadueoeman, maski hatabuan mo eon ro kalibutan it kubrekama it pagtueog ag may pagmahae nga pagtakup ku mga nagadueoeongeay nga mga sinipadsipad it lutos sa salikaeum.

Halin sa biyahero, kon siin ra saku’t pagkaon hay owa’t sueod bag-o matapos ro paeanawon, kon siin ro eambong hay gision eon ag puno’t tapo-tapo, kon siin ro kabaskug hay maeuya eon gid, bue-a ring kahuya ag kaimoeon, ag ibalik ra anang kabuhi katuead it bueak sa idaeum it makandila nga gabii.