Ag Kumanta si Ana Maria
Ni Maeara
August 13, 2011
Indi imaw kantigo magkanta
Maski hilong.
Kapin pa gid kon
Bukon.
Pero sangka agahon
Sa sueod it third degree room
It pulisiya
Kumanta imaw
Ugaling nagwangal
Ro mga imbestigador.
Sintunado kuno
Ra tuno.
Ginsueok-sueokan imaw.
Ginhimo pa gid nga ash tray
Ro ana nga bukead nga paead.
Ginpapaliogs imaw
Sa tubi nga may kuryente
Ag ginputos ra uyahon it basa nga lava cara.
Tag owa eon imaw kaagwanta
Ku pagkinulata kana
Kumanta imaw
Ag ro mga pulis
Nagsaot
Nagliksi-liksi
Sa kasadya.
Ala Nora Aunor man gali kuno ra limog.
Subscribe to:
Post Comments (Atom)
No comments:
Post a Comment