Bawae
Melchor F. Cichon.
Jan. 3, 2020
Ginabawaean magkaon it baboy si Tay Pedring.
Ginabawaean man kana ro mag-inum it 3 in 1 nga kape
Ag mga beer ag Tanduay
Ag magkaon it cake ag ice cream.
Pero kon owa ngani si Nanay
Tanan nga ginabawae kana
Hay ginainum ag ginakaon na.
“Kan-on kuno ro kaean-on
Ag imnon ro ilimnon total may bueong man.”
Ugaling pagkataliwan it sangdag-on
Owa eon si Tatay Pedring kabugtaw
Sa ana nga katueogon
No comments:
Post a Comment