Karimlan

Karimlan

Ni Melchor F. Cichon

Hindi lang

Maputik at madulas

Ang ating mga daan,

Kundi mapula-pula pa,

Dahil sa mga dugong dumanak

Mula sa mga tirahang tinokhang

At sa mga taong nakatsinelas sa daan.

Ito marahil ang gilid

Ng sinasabing:

“I am sorry”

at “I apologize”

Sa mga nabuwal

Na walang kaalam-alam sa druga.

Samantala….

Habang naghahalakhakan ang mga diyos-diyosan

Ng mga druga,

Tuloy-tuloy ang pagluluha at pagdarasal

Ng mga taong nawalan

Ng kanilang ama, ina, anak, kapatid, kamag-anak

Na sana’y tapusin na itong karimlan.