Paskwa Eon Man
ni Itsong
Sept. 14, 2022
Paskwa eon man
Ag abo rang madumduman
Madumduman ko ro mga hapon
Kon siin kami kaibahan kang mga kabarkada
Nga nagapaeupok it kanyon nga butong.
Kaeueo-oy eang ro mga paka nga ginahimo namon nga bala.
Abo pa kunta nga namok ra andang nakaon.
Ag sa pag-abot it misa de gallo,
Agahon pa ako mabugtaw
Agod makamunot ako sa ang mga magueang
Sa pagsimba sa Simbahan ni San Isidro de Labrador.
Ag sa pag-uli namon sa baeay,
May mainit-init eon nga suman ag kape.
Ag sa pag-abot it Paskwa
Maagto ako sa baeay kang maninoy
Nga may pag-eaum nga makabaton ako't pamaskwa kana.
Ugaling sa pag-abot ko sa andang baeay
Hambaean ako kang maninay
Nga rang maninoy hay may gin-agtunan.
Mauli eon lang ako nga may mabug-at nga siki.
Mayad eang nga rang Lola Juana
Hay indi gid makalipat nga taw-an ako't bakod
Embes nga itangway nana't tuba.
No comments:
Post a Comment