Adios, Aloha Landmark It Kalibo
ni Melchor F. Cichon
March 29, 2017
Samtang ginatiltil
Ro imong mga poste
It mga tawong nadudueman,
Ginatoetog man rang dughan.
Raya eon baea ro daean
Paagto sa kaeangitan
Ku mga tatay ku atong banwa?
Kinahangean gid baea
Nga pukangon ka?
Apang ham-at una ka ginpatindog
Ku atong mga magueang?
Matumbo-tumbo eon baea
Ro nagsagdag sa pagpatas
Kimo Salakot?
Basi baea ro rotunda man
Sa Banga hay mamunot man kinyo
Sa pilang adlaw.
Ano eon lang ro ipadayaw natong perlas
Ku atong inapo
Kon sanda hay kutan-on
Ku andang mga inapo?
Ano?
Subscribe to:
Post Comments (Atom)
No comments:
Post a Comment