Bayan Ko, Mahal Ko

Bayan Ko, Mahal Ko

ni Melchor F. Cichon
Jan 18, 2018

Ngayon, laging maulap ang kalangitan 

Sa bayan kong mahal, 

Kaya madalas hindi ko nasisilayan 

Ang bilog na buwan 

At ang pagsikat ng araw.

Laging umiiyak ang dalampasigan 

At ang mga alon ay hindi nakakatulog 

Sa bayan kong mahal 

Kaya ang mangingisda kong Tatay 

Ay laging umuuwi ng magaan ang kanyang basket 

At mabigat ang kanyang mga ngiti. 

Ngunit hindi ako nawawalan ng pag-asa. 

Alam kong mahahawi rin ang mga ulap na ito 

At ang dalampasigan ay tatahimik din. 

At hinding-hindi ko tatalikdan ang bayan kong ito 

Dahil mahal ko siya,
Ano pa man ang mangyayari 

Sa buhay niya, sa buhay ko.