Scam Doon, SARS Dito
Ni Melchor F. Cichon
Masaya ka
Dahil nagka-Edsa.
Akala mo'y malaya ka na.
Hindi pa!
Nabasa mo ba ang mga headlines?
Kidnapping doon,
Kidnapping dito.
May scam doon, may SARS dito.
Tumaas daw ang GNP natin,
Subalit dumarami naman ang mga taong-grasa sa kalye.
May pundo daw
Para sa batsi roon,
Sa batsi rito,
Subalit abortion road naman
Ang nararaanan ninyo.
Masaya ka
Dahil nagka-Edsa.
Akala mo'y malaya ka na.
Ngunit bilanggo pa rin tayo
Sa utang doon,
Sa utang dito,
Sa scam doon,
Sa SARS dito.
Subscribe to:
Post Comments (Atom)
No comments:
Post a Comment