Uean, Hangin Paeayo
Melchor F. Cichon
Dec. 28, 2019
Uean, hangin
Paeayo, paeayo.
Nagkaeaeuka eon ro narra namon;
Pati ro among bubongan nagkaeaapok eon;
Pati ro among paeay sa kaeanasan nagkaeaeumos
Ag ro kamaisan namon sa kabukiran
Hay nagkaeahapay, nagkaeabali.
Ano eon lang ro among inugbayad sa among utang?
Gusto eon gid namon ni Inday magkaroling
Ag mag-ililimaw sa lamesa
Agod mag-ihapon kaibahan kanday Lolo ag Lola.
Owa eon ngani kami kasimba ku Paskwa
Bangod sa pag-abot ku among
Santatitang Bisitang si Ursula.
Balik ka eang galing sa Hunyo
Uean ag hangin.
Indi mo eang pagdaehon
Si Yolanda ag si Ursula.
No comments:
Post a Comment