Eupak
Melchor F. Cichon
February 9, 2017
Ano gid baea
Ring ginaobra, Eupak?
Kuntinto ka eon lang baea
Sa pagkinitkit it eumbay
Hasta matunod ro adlaw?
Pagtapos hay magkinamangkamang ka eon man
Agod mag-usoy it eab-as nga dahon?
Nahimo eon lang nga tingting rang tanum.
Owa mo gid ginapiniino
Nga matuka ka it mga gutom nga pispis?
Ano gid baea, Eupak,
Ring ginapanumdum?
Kasayod ka baea nga sa ulihi,
Indi ka eon mag-usap-usap it eumbay,
Kundi magsipsip it dugos it mga kabueakan?
Ag dayon mag-eupad-eupad
Ag magtugpo-tugpo sa kaeain-eain nga bueak?
Pero kaina, ham-at
Sa mapuea-puea eang nga rosas ka nagtiner?
No comments:
Post a Comment