Kanta

ni Christina Georgina Rossetti (1830-1894).
Gin-Inakeanon ni Melchor F. Cichon
September 7, 2011

Kon patay eon ako, mahae ko,
Indi mo ako pagkantaha't masubong kanta;
Indi ka magtanum it rosas sa ueonan ko
O maski mahandungon nga cypress.
Pwede eon ro berdeng hilamon sa ibabaw ko
Nga nabasa it asaw-asaw ag tun-og;
Ag kon mag-eaya ka, panumduma,
Ag kon mag-eaya ka, lipati.

Indi ko makita ro mga handong,
Indi ko mabatyagan ro uean;
Indi ko mabatian ro gakanta nga nightingale
Nga ingko may sakit;
Ag magpanamgo hasta magkakasisidmon
Nga owa gabut-eak o nagakatunod,
Siguro madumduman ko.
Ag siguro malipatan ko.