Pares Kimo

Pares Kimo
Ni Roque Dalton
Gin-Inakeanon ni Melchor F. Cichon
Ginbase English Translation ni Mila D. Aguilar
Sept. 26, 2011


Pares kimo
nga naila sa gugma,
sa kabuhi,
ro matam-is nga misteryo it kabangdanan
ro kaeangitnon nga pag-agi ku mga inadlaw it Enero.


Gabukae man rang dugo
ag mga gadaeagan nga kasubaan it mga mata
nga nakasayod it pagdaganas it mga euha.
Kakon, manami ro kalibutan

kon siin ro binaeaybay, pares it tinapay,
hay para sa tanan.
Ag kon siin rang ugat owa gatapus kakon
apang sa dugo it mga tawo
nga nakipag-away para sa kabuhi,
para sa gugma,
para sa kawsa,
para sa eugta ag sa tinapay,
ag binaeaybay para sa tanan.