Baoe

Baoe
*Melchor F. Cichon
June 18, 2017
May baoe si Lolo Itsong. Pero indi gid imaw gusto nga buksan ko ra. Kon ano ra rason, owa gid ako kasayod. Maski si Nanay hay indi man imaw gusto nga buksan ko ra.
Sang adlaw, may nag-abot nga pakete nga halin sa Department of Foreign Affairs. Mga visa ra sueod. Mga visa kang mga magueang, ni Nanay ag ni Tatay. Maagto abi kami kuno sa Hong Kong agod mamasyal igto bilang pagpasasaeamat sa pagkapasa ni Nong Peping sa pagkadoktor it medisina.
"Nay," hambae ko, "ham-at owa't a nag-abot rang visa? Bukon abi't dungan-dungan man kita kato nag-apply?
Ginsampit ako ni Nanay nga magmuot ako kana sa sueod kon siin ro baoe nga indi gid kakon ginapabuksan. Ginbuksan ro baoe ngara ni Nanay ag ginpakita kakon rang birth certificate of live birth. Igto hakita ko ro ngaean kang matuod-tuod nga nanay, tatay, ag rang matuod-tuod nga apelyedo.